راولپنڈی۔ 28 اپریل (اے پی پی)ڈی جی ایم او پاکستان ءَ شہری آباتی آناں نشانگ بندگ ءِ جیڈھ ءِ سرءَ ڈی جی ایم او بھارت ءِ گوما زارشانی کنان ءَ گشت کہ بھارت الزام جنگ ءِ مٹ ءَ وتی قبلہ ءَ راست بکنت، دراج بریں ایمنی ءِ واستہ بھارت ایل او سی ءُُ ورکنگ باؤنڈری ءِ سرءَ سیز فائر منوگری آنی پابندی ءَ بہ کنت۔ شمبے ءِ روچءَ آئی ایس پی آر ءِ نیمگ ءَ جاڑی بوتگیں بیان ءِ رد ءَ پاکستان ءِ ڈائریکٹر جنرل ملٹری آپریشنز ءَ بھارت ءِ ڈی جی ایم او ءِ گوما ہاٹ لائن ءِ سرءَ رابطہ کت ءُُ تیر گواری منوگری ءِ ھلاپ ءَ جیڈھ سہرا کت اَنت۔ ڈی جی ایم او پاکستان ءَ شہری آباتی آناں نشانگ بندگ ءِ جیڈھ ھم سہرا کت اَنت۔ گوزوکیں سال ءَ تاں انوں بھارتی تیر گواری ءَ چہ 219کودکیں شہری آنی شہید کنگ بوتگ اَنت، اے شہید آنی تہ ءَ 112 زالبول ءُُ 20زھگ ھوار اَنت۔
