اسلام آباد۔ 28 اپریل (اے پی پی)بُنجاھی وزیر خزانہ مفتاح اسماعیل ءَ آیوکیں مالی سال ءِ بجٹ ءَ جوان، گواچنی ءُُ آسراتی آںی بجٹ نامینان ءَ گوشت کہ پاکستان مسلم لیگ (ن) ءِ حکومت ءَ پنچ سال آنی تہ ءَ ھواریں راجی پیداوار (جی ڈی پی) ءِ نمبگ ءِ کساس ءُُ افراط ءِ زر ءِ کساس نیم کتگ ایش ٹوھیں کامیاتی اِنت، بجٹ ءِ نمبگ ءَ را جوان برجا داگ ءِ ھاترا جوانیں گامگیج ءِ سرءَ دلگوشی دیگ بوتگ، توامیں ھرچ ءُُ درچ بجٹ ءِ تہ ءَ ھوار کنگ بوتگ اَنت ھمے ھاترا اے ھرچ ءُُ درچ آنی تہ ءَ گیشی ءِ امیت اِنت، گیشاں چہ گیش مرد م آناں ٹیکس ءِ لکیر ءِ تہءَ آرگ ءِ تہ ءَ واستہ کوشست کنگ بوھگ ءَ اِنت، بیل آؤٹ پیکیج ءِ واستہ آئی ایم ایف ءَ گوں رجوع کنگ ءِ اِچ اراگ نیست۔ اے ھیالانی درشانی آئی ءَ وزیر ءِ مملکت مزن وزری ءِ ھاسیں کمکار ہارون اختر خان ءِ ھمبراھی ءَ یک شمبے ءِ روچ ءَ بجٹ ءَ چہ پد دپریس کانفرنس ءَ گشتانک دیان ءَ کت۔ اے موہ ءِ سرءَ سیکرٹری ھزانگ عارق خان، چیئرمین ایف بی آر طارق محمود پاشا ءُُ ٹوھیں کارندہ ھم اے موہ ءِ سر ءَ ساڑی اتنت۔
