بُنجاھی حکومت ءَ آیوکیں مالی سال 2018-19ءِ واستہ 5661 ارب کلدار ءِ بجٹ راجی اسمبلی ءَ پیش کت
اسلام آباد ۔ 27 اپریل (اے پی پی) بُنجاھی حکومت ءَ آیوکیں مالی سال 2018-19ءِ واستہ ٹیکس آنی ریایت، السی آسراتی، تجارت ءُُ سرمایہ کاری ءِ دیمروئی، بنیاتی کوکا ءِ دیمروئی، سرکاری مُزد گر آنی پگار ءُُ پنشن ءِ تہ ءَ گیشی ءُُ کمزور تبک ءِ چاگردی رکھینگ ءِ واستہ بازیں گامگیج آنی سر ءَ 5661ارب کلدار ءِ بُنجاھی بجٹ قومی اسمبلی ءَ پیش کنگ بوت۔ بجٹ ءَ سرمایہ کاری مُزدگر آنی پگار ءُُ پنشن ءِ تہءَ 10درسد ایڈہاک ریلیف الاؤنس، ہاؤس رینٹ سلینف ءُُ ہاؤس رینٹ الاؤنس ءَ 50 درسد گیشی کنگ بوتگ۔ کشت ءُُ کشاری، لائیو سٹاک ءُُ ماھی کُش ءِ شوبگ ءَ ٹیکس آسراتی ءِ جار ءُُ دیمپانی بجٹ ءَ 200 ارب کلدار ءَ چہ گیش ءِ گیشی کنگ بوتگ وھدیکہ سرکاری شوبگ ءِ دیمروئی پروگرام ءِ واستہ 1030ارب کلدار گیشینگ بوتگ۔ 12لکھ کلدار ھمک سال یک لکھ کلدار آمدنی ءِ سرءَ مزن وزیر ءِ ھاسیں جار جتگیں پیکیج ءِ چیر دستی انکم ٹیکس ءَ چہ شید ءُُ بید کنگ بوتگ، پگار گروکیں مردم آنی واستہ ٹیکسز ءِ کساس ءِ تہ ءَ کمی کنگ بوتگ ایشی ءِ رد ءَ 4 لکھ ءَ چہ 8لکھ آمدن ءِ یک ہزار کلدار وھدیکہ 8لکھ ءَ چہ 12لکھ کلدار ءِ سر ءَ 2ہزار کلدار ءِ برائے نام انکم ٹیکس گرگ بیت۔ صوبائی حکومت ءِ شریکی ءَ چہ سرجمیں ملک ءَ 100سٹیڈیم جوڑ کنگ بیت۔ پنشن ءِ کم چہ کم ھد 6ہزار ءَ چہ گیش کنان ءَ 10ہزار کلدار کنگ، 75سال ءَ چہ گیش امبر ءِ پنشنرز آنی کم چہ کم پنشن 15ہزار کلدار ھمک ماہ کنگ ءِ شور ءُُ سلاھ اِنت۔ فاٹا ءَ را گوں راج ءَ ھمگام کنگ ءِ واستہ 100ارب کلدار ءِ کساس ءَ ھسایں دیمروئی پروگرام سرجم کنگ بیت۔ آیوکیں مالی سال ءِ واستہ ایف بی آر ءِ ’’ محصولات‘‘ آنی وصولی ءِ ھد ءُُ ابیل 4435ارب کلدار بیت۔ توان ءَ چہ چلوکیں گاڑی ءِ درآمد ءِ سر ءَ لگیتگیں کسٹم ڈیوٹی ءِ کساس 50درسد ءَ چہ کم کنان ءَ 25درسد ءُُ 15درسد ریگولیٹری ڈیوٹی ءِ چُٹ دیگ ءِ شور ءُُ مشور اِنت۔ ٹیکس گزار آنی آسراتی ءِ ھاترا کمپوزٹ آڈٹ ءِ کار رپک پجار کنگ بیت۔ نان فائلرز 40لکھ کلدار ءَ چہ گیس مالیت ءِ جائیداد بھا گپت نہ کن اَنت۔ بنکاری ءُُ نان بنکاری کمپنی ءِ واستہ سپر ٹیکس ءِ کساس ھمک سال یک درسسد ءِ نمبگ ءِ کم کنگ بیت۔ کارپوریٹ ٹیکس ءِ کساس 2023ءَ تاں 25درسد ءَ تاں آرگ بیت۔ ھندی رنگ ءَ لیپ ٹپ ءُُ کمپیوٹ ءَ کارمرد بوھوکیں 21نمونگ ءِ چیز آنی سرءَ درآمدی سیلز ٹیکس سرجمی ءَ ھلاپ کنگ بیت۔ سٹیشنری ءِ واستہ سیلز ٹیکس ھلاس کنگ بیت۔ سگریٹ ءِ سرءَ فیڈرل ایکسائز ڈیوٹی ءِ استیں کساس ءَ را ودینگ ءِ شور ءُُ سلاھ اِنت۔ بُنجاھی وزیر ءِ ھزانگ مفتاح اسماعیل ءَ آدینگ ءِ روچ ءَ آیوکیں مالی سال 2018-19ءِ بُنجاھی بجٹ پیش کت۔ آئی ءَ گوشت کہ مرچی پاکستان مسلم لیگ (ن) ءِ حکومت ءِ ششمی بجٹ پیش کنگ ءَ آں۔ پاکستانی راج ءُُ پارلیمنٹ ءِ واستہ اے یک راجدپتری وھد ءُُ پاس اِت۔ مشکلہ آں ابید مئے حکومت ءَ 13 سال ءِ بُرزتریں نمبگ ، کم ترین ’’افراط ءِ زرّ‘‘ ءُُ معاشی برجائی در جتگ۔ سرجمیں راج ءُُ پارلیمنٹ مبارک بات ءِ لائک اِنت۔ آئی ءَ گوشت کہ بجٹ ءِ پاس بوھگ حکومتتی مشنری ءِ یک شلئی ءُُ اقتصادی برجائی ءَ را دل یکیمی جوڑ کنگ ءِ واستہ ضلوری اِنت، آیوکیں گچین بوتگیں حکومت ءِ کراّ اختیار بیت۔ کہ آ بجٹ ءَ را ترجی ءِ تہءَ مٹ کت بہ کنت۔ بُنجاھی وزیر ءَ گوشت کہ گوستگیں سال ءَ جی ڈی پی ءَ گیشیں نمنگ 5.4درسد بوتگ وھدیکہ گوستگیں دھ سال آنی بُرزتریں نمبگ اِنت۔ ملک ءَ کاروباری چست ءُُ ایر آنی سرءَ چمشانک دیان ءَ آئی ءَ گوشت کہ گوزوکیں مالی سال ءَ مارچ 2018ءَ تاں 8,349 نوکیں کمپنیاں رجسٹر کنگ بوتگ اَنت وھدیکہ گوستگیں سال ءَ اے کساس 5,883 بوتگ وھدیکہ گوستگیں پنچ سال اآنی تہ ءَ 33285نوکیں کمپنی رجسٹر کنگ بوتگ ۔ ایشی ءِ دیم پہ دیمی ءَ 2008-13 تاں ایوک ءَ 17079کمپنی رجسٹر بوتگ ۔ آئی ءَگ وشت کہ جوانیں حکومت ءِ سبب ءَ کاروبار دوستیں پالیشی ءُُ سیکورٹی جاور آنی گہتری ءِ سبب ءَ سرمایہ کاری پاکستان ءِ نیمگ ءَ دلگوش بوھگ ءَ انت۔ سی پیک ءِ چیر دستی ءَ المی ایں شوبگ ءَ ھوار ھاٹیگ ءَ ھوار انفراسٹرکچر، رسانک، ٹیلی رسانک ، ٹیکسٹائل ءُُ جوڑیشتی شوبگ ءَ شاھیگانیں سرمایہ کاری بوھگ ءَ اِنت۔ اے سرمایہ کاری ءِ بدولت ءَ ھاٹیگ ءُُ انفراسٹرکچر ءِ شوبگ ءَ گہتری ءِ سبب ءَ معشیت ءِ گام ترند بوھگ ءَ ممکن بوتگ۔
