اسلام آباد۔ 27اپریل(اے پی پی) مزن وزیرشاہد خاقان عباسی ءَ وتی دُرئیں دانک آنی سبب ءَ اپوزیشن ءِ باسک آناں تُک ءُُ نُک کت، اپوزیشن ءِ باک لاجواب بوت اَنت۔ آدینگ ءِ روچ ءَ قومی اسمبلی ءَ اپوزیشن ءِ لیڈر سید خورشید شاہ ءُُ شاہ محمود قریشی ءَ مفتاح اسماعیل ءِ بجٹ ءِ رد ءَ کتگیں بُکگ آنی سرءَ کت۔ ایشی ءِ پسو دیگ ءِ واستہ مزن وزیر شاہد خاقان عباسی وت اوشتات ءُُ وتی لُکوکیں تران ءُُ گڈی دانک آنی گوشگ ءَ چہ اپوزیشن ءِ مردم لاجواب بوت اَنت۔ مزن وزیر ءَ اپوزیشن ءِ دباؤ ءَ آیگ ءِ مٹ ءَ ساپ ساپ گوشت کہ بجٹ مفتاح اسماعیل پیش کنت۔ اپوزیشن ءِ باسک آں اے موہ ءِ سر ءَ گوانک جت کہ ایوک ءَ چار ماہ ءِ واستہ ، ایشی ءِ پسو ءَ مزن وزیر ءَ گوشت کہ انشاء اللہ چار ماھ ءَ پد ھم ما سروکی ءَ باں ایشی ءِ پد ءَ اپوزیشن ءِ مردم آنی کراّ پسو نہ بوت۔ یک موہے ءِ سر ءَ مزن وزیر ءَ گوشت کہ اگاں بد بھتی ءَ (اپوزیشن پارٹی) ءِ حکومت اتک گڈا بیشک بجٹ مٹ کنگ بیت۔ آئی ءَ گوشت کہ چیلنج کناں ءُُ چاراں کہ اے بجٹ ءِ تہءَ چے مٹی آرگ بیت۔ ایشی ءِ سر ءَ پی ٹی آئی ءِ سروک شاہ محمود قریشی ھم وتی بچکند داشت نہ کت۔ مزن وزیر ءَ گوشت کہ ھزانگ ءِ وزارت منی کرا بوتگ رانا افضل ءَ وزیر ءِ مملکت جوڑ کنگ بوتگ بلے بجٹ پیش کنگ ءِ زمہ واری مفتاح اسماعیل ءَ را دیگ بوتگ چیا کہ آئی ءَ ایشی ءِ سر ءَ محنت کتگ ءُُ ھما بجٹ ءَ پیش کنت۔ آئی ءَ اپوزیشن ءِ باسک آں گوں تران کنان ءَ گوشت کہ کمو مزن دلی بکن اِت ءُُ بجٹ ءِ گشتانک ءَ گوش بدار اِت۔ کلیف شما وا الم بئے اے گپ ءِ سرءَ اپوزیشن ءِ مردم آنی کراّ پسو پشت نہ کپت ءُُ بُکگ جنوکیں پارٹی ءِ سروک پی ٹی آئی ءُُ پیپلز پارٹی ءِ باسک ایوان ءَ چہ واک آؤٹ کنان ءَ ڈن ءَ در کپت اَنت۔
