اسلام آباد ۔ 27 اپریل (اے پی پی) بُنجاھی حکومت ءَ یکم جولائی 2018ءَ چہ سول ءُُ اُردی مُزدگر آنی واستہ 10 درسد ایڈہاک ریلیف الاؤنس ءِ جار جتگ وھدیکہ توامیں پنشنرز آنی واستہ ھم 10درسد گیشیں شور ءُُ مشور کنگ بوتگ۔ آدینگ ءِ روچ ءَ قومی اسمبلی ءَ آیوکیں مالی سال ءِ بجٹ پیش کنان ءَ بُنجاھی وزیر ھزانگ ءَ گوشت کہ مسلم لیگ (ن) ءِ حکومت ءَ گوستگیں پنچ سال ءِ ساھت ءَ سرکاری مُزدگر آں پگار ءُُ پنشنز آنی تہءَ یک شل ءَ گیشی کتگ۔ مالی مجبوری آں ابید سرکاری مُزدگر ءُُ پنشنرز آنی واستہ گیش ریلیف دیگ بوھگ ءَ اِنت وھدیکہ اے سال ءَ چہ ’’افراط ءِ زرّ‘‘ ءِ استیں کساس 3.8درسد اِنت۔ آئی ءَ گوشت کہ سرکاری مُزدگر آنی واستہ مزنیں شہر آنی ننددگ یک ٹوھیں جیڈھ اِت ھمے ھاترا ہاؤس رینٹ سیلنگ ءِ کساس 50درسد گیشی کنگ بوھگ ءَ اِنت۔ ھمے رنگ ءَ ہاؤس رینٹ ءِ واستہ ءَ ھم 50درسد گیشی کنگ بوھگ ءَ اِنت۔
