اسلام آباد ۔ 27 اپریل (اے پی پی) آیوکیں مالی سال 2018-19ءِ واستہ سرکاری شوبگ ءِ دیمروئی پروگرام (پی ایس ڈی پی) ءِ چیر دستی ءَ گوادر ءَ ساپیں آپ ءُُ واٹر ٹریٹمنٹ پلانٹ ءِ واستہ ضلوری آسراتی ءِ پُجاری ءِ ھاترا یک ارب 20کروڑ کلدار ءِ فنڈز گیشنیتگ اَنت۔ پی ایس ڈی پی ءِ ردءَ اے منصوبگ سی پیک ءِ چیر دستی ءَ سرجم کنگ بیت ایشی ءِ ھرچ ءُُ درچ ھواریں رنگ ءَ 11ارب39کروڑ60 لکھ کلدار جنگ بوتگ وھدیکہ ایشی ءَ چہ پیسر منصوبگ ءِ واستہ دو ارب 61کروڑ 50لکھ کلدار ءِ فنڈ جاڑی کنگ بوتگ اَنت۔ رپوٹ ءِ رد ءَ آیوکیں مالی سال ءِ ساھت ءَ منصوبگ ءِ واستہ گیشینتگیں بجٹ ءَ چہ حکومت وتی آسراتی ءَ چہ یک ارب کلدار ءِ پُجاری کنت وھدیکہ 20 کروڑ کلدار ءِ در ملکی کمک ھم منصوبگ ءَ ھوار اِنت۔
