بُنجاھی تک ءِ سرکاری دیمروئی پروگرام آنی حجم 1030ارب کلدار، صوبائی سالانہ دیمروئی پروگرام ءِ حجم 1013ارب کلدار، ھواریں دیمروئی پروگرام ءَ 171ارب کلدار ءِ در ملکی کمک ءُُ 100ارب کلدار ءِ پبلک پرائیویٹ پارٹنر شب ءِ وڑ ءَ فنانسنگ ھوار
دیمروئی پروگرام ءَ سی پیک ءِ بابت ءَ وھد ءُُ موہ ءِ سرءَ سرجمی ءِ ھاترا اولی ترجی دیگ بوتگ آپ، توان ءُُ ت رانسپورٹ ءِ منصوبگ ھم ھوار اَنت
پبلک پروئیویٹ پارٹنرز ءِ اختراعی رپک ءَ سرکاری ھزانگ ءِ سر ءَ بار ءُُ بوج ھم کم کنگ ءَ کمک رسیت
اسلام آباد ۔ 27 اپریل (اے پی پی) بُنجاھی حکومت ءَ آیوکیں مالی سال 2018-19ءِ راجی دیمروئی پروگرام ءِ واستہ 2043ارب کلدار گیشینگ بوتگ۔ پروگرام ءِ چیر دستی ءَ بُنجاھی پڑءَ سرکاری دیمروئی پروگرام ءِ حجم 1030ارب کلدار وھدیکہ صوبائی ھمک سالی دیمرؤی پرگرام ءِ حجم 1013ارب کلدار اِنت۔ ھواریں دیمروئی پروگرام ءَ 171ارب کلدار ءِ درملکی کمک ءُُ 100ارب کلدار ءِ پبلک پرائیویٹ پارٹنرشپ ءِ وڑ ءَ فنانسنگ ھم ھوار انت۔ دیمروئی پروگرام ءَ چین پاکستان اقتصادی راہداری(سی پی) ءِ ھوالگ ءَ منصوبگ آناں ھود ءُُ پاس ءِ سرءَ سرجم کنگ ءِ واستہ ٹوھیں ترجی دیگ بیت۔ آپ ءُُ توان ءُُ ٹرانسپورٹ ءِ منصوبگ ھم ترجی ءِ تہ ءَ ھوار کنگ بوتگ اَنت تانکہ اے شوبگ آنی جیڈھ آناں گیوار کنگ ءِ واستہ ملکی ءُُ درملکی سرمایہ کاری ءَ را دلگوش کنگ بہ بیت۔ ایشیءَ ابید سرکاری شوبگ ءِ دیمروئی پروگرام ءَ اولی رند ءَ پبلک پرائیویٹ پارٹنر شب ءِ کار رھبند ھم بندات کنگ بوتگ، ایشی ءَ چہ دیمروئی کار ءِ تہ ءَ مچی جوڑ کنگ ءُُ سرکاری ھزانگ ءِ سرءَ بوجھ کم کنگ ءَ کمک رسیت۔ آیوکیں مالی سال ءِ واستہ سرکاری شوبگ ءِ دیمروئی پروگرام ملکی راجدپتر ءَ را دُرستاں چہ مستریں پروگرام اِنت ایش استیں حکومت ءِ نیمگ ءَ دراج بُریں دیمروئی ءِ کار ءَ ترندی کنگ ءِ جزم ءِ درشان ءَ کنت۔ آدینگ ءِ روچ ءَ مالی سال 2018-19ءِ واستہ سرکاری شعبہ ءِ دیمروئی پراگرام جاڑی کنگ بوت۔ اے پروگرام بُنجاھی حکومت ءِ نیمگ ءَ ساڑا کتگیں وژن 2025ءِ نامینتگیں چاگردی اقتصادی ھد ءُُ ابیل آنی در جنگ ءِ رد ءَ دُرستاں چہ ارزشتی ایں ماہاتی پالیشی ٹول اِنت، اے رد ءَ اقتصادی چست ءُُ ایر آنی بابت ءَ سک باز ارزشتی ایں منصوبگ آنی واستہ بازیں آسراتی گچین کنگ بوتگ اَنت۔ پی ایس ڈی پی ءِ چیر دستی ءَ ھرچ ءُُ درچ آنی پکوئی ءِ مکسد ملک ءِ فزیکل ءُُ سوشل انفراسٹرکچر ءَ را گیش مھکم کنگ اِنت تانکہ ملکی معشیت مھکمیں نمبگ آنی سر ءَ گام جنان بہ بیت۔ مالی سال 2018-19ءِ واستہ سرکاری شوبگ ءِ دیمروئی پروگرام حکوقمت ءِ دیمروئی ترجی آنی بنیا ت ءِ سر ءَ جوڑ کتگ۔ اے رد ءَ سیادی داروکیں شریک دار آنی واستہ شور ءُُ سلاھ منوگر کنگ بوتگ اَنت۔ وزارت ءِ منصوبگ بندی ءُُ دیمروئی کار ءَ سرکاری شوبگ ءِ دیمروئی پروگرام ءِ ھد ءُُ ابیل، سی پیک ءِ دراج بُریں پلان ءُُ وژن 2025ءِ سیم سر اانی سر ءَ نزیک کنگ انت ایشی ءِ مول ءُُ مراد مردم آناں ترجی دیگ، مھکمیں دیمروئی ءِ نمبگ، توان ءُُ وردنی رکھینگ ، جندی شوبگ ءِ بدولت ءَ نمبگ آپ ءُُ لین ءُُ وردن ءُُ وراک ءِ رکھینگ ، جندی شوبگ ءِ بدولت ءَ نمبگ، یات دارگ بہ بیت کہ راجی اقتصادی کونسل ءَ 24اپریل 2018ءَ 2043ارب کلدار ءِ راجی دیمروئی پروگرام برائے 2018-19ءِ منظوری دات ایشی ءِ تہءَ 1013ارب کلدار ءِ صوبائی ھمک سالی دیمروئی پروگرام ھوار اَنت۔ بُنجاھی تک ءِ سرکاری دیمروئی پروگرام ءِ حجم 1030ارب کلدار اِنت ایشی ءِ تہ ءَ 171ارب کلدا ءِ در ملکی کمک ءُُ 100ارب کلدار ءِ پبلک پرائیویٹ پارٹنر شپ ءِ رنگ ءَ فنانسنگ ھم ھوار اَنت۔ مالی سال 2018-19ءِ واستہ سرکاری شوبگ ءِ دیمروئی پروگرام ءِ چیر دستی ءَ بُنجاھی وزارت ءِ واستہ ھواریں رنگ ءَ 4کھرب 58ارب 77کروڑ 50لکھ کلدار گیشینتگ ایشی ءِ تہ ءَ 39ارب 88 کروڑ 86 لکھ کلدار ءَ چہ گیش در ملکی کمک ھم ھوار اَنت۔ مالی سال 2017-18ءِ سرکاری شوبگ ءِ دیمرئی پروگرام ءِ چیر دستی ءَ بُنجاھی وزیر آنی واستہ ھواریں رنگ ءَ 3 کھرب 77 ارب 87 کروڑ کلدار گیشینگ بوتگ اَنت ایشی ءِ تہ ءَ 17ارب 53کروڑ 71لکھ کلدار ءِ درملکی کمک ھوار اَنت۔ آیوکیں مالی سال ءِ واستہ دو کارپوریشن ، نیشنل ہائی وے اتھارٹی ءُُ این ٹی ڈی سی /پیپکو ءِ واستہ ھواریں رنگ ءَ 2 کھرب 37 ارب 72 کروڑ 50 لکھ کلدار گیشینگ بوتگ اَنت وھدیکہ گوزوکیں مالی سال ءِ گیشنتگیں زرّ آنی حجم دو کھرب 38 ارب 73 کروڑ 23 لکھ کلدار اِنت۔ مزن وزیر ءَ گلوبل ایس ڈی جیز اچیومنٹ پروگرام ءِ واستہ پنچ ارب کلدار، سی پیک منصوبگ آنی سرجمی ءِ واستہ ھاسیں پُجاری ءِ واستہ پنچ ارب کلدار، فاڑا ءِ 10سالی پلان ءِ واستہ 10ارب کلدا، ایرا ءِ واستہ 8ارب 50کروڑ کلدار وھدیکہ آیوکیں حکومت ءِ نیمگ ءَ چہ آیوکیں منصوبگ آنی واستہبلاک ایلوکیشن ءِ رد ءَ یک کھرب کلدار گیشیینگ بوتگ اَنت۔ ایشی ءَ چہ ابید آئی ڈی پیز ءِ کمک ءُُ برجائی ءِ واستہ 45ارب کلدار، سیکیورٹی ءِ تہ ءَ گیشی ءِ واستہ 45 ارب کلدار ، مزن وزیر ءِ یوتھ پروگرام ءِ واستہ 10ارب کلدا، گیس انفراسٹرکچر ڈویلپمنٹ سیس ءِ واستہ پنچ ارب کلدار گیشینگ بوتگ اَنت۔ ھمے رنگ ءَ پبلک پرائیویٹ پارٹنر شپ ءِ وڑ ءَ فنانسنگ (بجٹ ءَ ابید) ءِ واستہ یک کھرب کلدار گیشینگ بوتگ۔ ھواریں رنگ ءَ آیوکیں مالی سال ءِ سرکاری شوبگ ءِ دیمروئی پروگرام ءِ چیر دستی ءَ 20کھرب 43ارب گیشینگ بوتگ اَنت ایشی ءِ تہ ءَ سئے کھرب 30ارب21کروڑ 95لکھ کلدار ءِ در ملکی کمک ھوار اَنت۔ گوزوکیں مالی سال ءَ صوبگ آنی دیمروئی پروگرام ءَ سی پیک ءِ بابت ءَ منصوبگ آناں وھد ءُُ پاس ءِ سرءَ سرجم کنگ ءِ واستہ ٹوھیں ترجی دیگ بوتگ۔ آپ ءُُ توان ءُُ ٹرانسپورٹ ءِ منصبوگ ھم ترجی ءِ تہ ءَ ھوار اَنت۔ ملک ءِ ودوکیں ضلورت ءَ را سرجم کنان ءَ علم ءُُ جوانیں پٹ ءُُ پول ءِ شوبگ ءَ را دیمروئی دیگ بوت کنت۔ ھمے رنگ ءَ کشت ءُُ کشاری، اشکر ءِ چات ءُُ ایندگر شوبگ آنی کوکا ءِ گہتری ءِ واستہ ھم بازیں زرّ ءِ گیشینگ بوتگ۔ ورنا آنی سر ءَ ھاسیں دلگوشی دیگ بوتگ۔ اے رد ءَ لیب ءُُ گوازی ءِ دیمروئی ءَ را ارزشت دیگ بوتگ ایشی ءَ گوں پزوری ءَ دیم پہ دیمی کنگ ءِ ھاترا ءُُ اے شوبگ ءِ دیمروئی ءَ کمک رس ایت۔
