وزیراعظم پاکستان نا پیشن نا دورہ غاتیان ملک اٹی ارب آ ڈالر نا زرکاری بس، پاکستان مسلم لیگ (ن) نا راہشون سینیٹر نہال ہاشمی نا میڈیا تون ہیت وگپ

اسلام آباد۔ 23 دسمبر (اے پی پی) پاکستان مسلم لیگ(ن) نا راہشون سینیٹر نہال ہاشمی پارینے کہ وزیراعظم پاکستان نا پیشن نا دورہ غاتیٹی ملک اٹی ارب آ ڈالر نا زرکاری بس۔ جمعہ آپارلیمنٹ ہاﺅس نا پیشن میڈیا تون ہیت وگپ کرسا اوپارے کہ پاکستان تحریک انصاف قوم انا و تینا وخت ئِ زیان کرے، او فتے انتس کہ کروئی ئس کتوس ۔ اوپارے کہ وزیراعظم پاکستان نا پیشن نا دورہ غاتیان ملک اٹی ارب آ ڈالر نا زرکاری بسنے وخت اس کہ سی پیک، قطرآن ایل این جی نا درآمد و تاپی تون اوار ایلو بھلا ڈٹ آتیا کاریم ترندی اٹ برجائِ ہراڑآن ملک و قوم انا تقدیر بدلینگک و پاکستان ئِ کس اسے آن خیرات خوائنگ نا ضرورت تمپک۔ اوپارے کہ مسکوہی صدر آصف علی زرداری ئِ وطن آ پدی بننگ آ ببوخیرٹ پانہ۔ اوپارے کہ سندھ انا آئی جی و چیف کمشنر تون اوار ایماندار افسر آتے اسہ پلو کننگا ہرا سہی اف۔ اومیت ئِ کہ اونا بننگ آن سندھ اٹی لوٹ مار نا عمل چٹک۔