بُنجاھی وزیر ءِ دیمپانی صنعت ءَ دوئیں ملک آنی تہ ءَ دو نیمگی وت مہ وتی یکوئی ءَ را گیش مھکم کنگ ءِ واستہ واھشت ءِ درشان
راولپنڈی ۔ 26 اپریل (اے پی پی) بُنجاھی وزیر برائے دیمپانی پیداوار رانا تنویر حسین ءَ گوں رومانیہ ءِ سفیر نکولائی گولا ءَ مرچی پنچ شمبے ءِ روچ ءَ گند ءُُ نند کت۔ بُنجاھی وزیر ءَ شرپ مندیں مہمان آناں وش اتک کت۔ بُنجاھی وزیر ءَ دیمپانی صنعت ءَ دوئیں ملک آنی تہ ءَ دو نیمگی وت مہ وتی آناں گیش مھکم کنگ ءِ واھشت ءِ درشان کت ءُُ گوشت کہ دوئیں نیمگ ءَ وت مہ وتی واھگ ءِ جیڈھ آنی سر ءَ روگ ءُُ آیگءِ ضلورت ءَ را سما کت ءُُ دیمپانی پیداوار ءِ سرءَ وت مہ وتی ءُُ یکجائی کمک ءِ نوکیں کشک آنی سر ءَ زور پر دات۔ آئی ءَ رومانیہ ءَ را پاکستان ءِ دیمپانی صنعت ءِ چیز ءُُ ازمت آنی پیش کش ھم کت، بُنجاھی وزیر ءَ پاکستان نیوی ءِ آف شور پیٹرول ءُُ ویزل ءِ جوڑیشت ءِ سر ءَ دل یکیمی ءِ درشان کت۔ بُنجاھی وزیر ءَ شرپ مندیں مہمان آنی تر ءُُ تاب ءِ شگر ءُُ منت گپت ءُُ رومانیہ ءِ الس ءِ واستہ نیکیں واھشت آنی درشان کت۔ رومانیہ ءِ سفیر ءَ گوشت کہ پاکستان جوانیں دود ءُُ ریبدگ، جمہوریت، جوانیں معشیت ءُُ مہمان نوازی ءِ پد ءَ یک المی ایں ملک ات ءُُ آئی ءَ دوئیں ملک آنی تہ ءَ گیش کار کنگ ءُُ یکوئی آناں گیش شاھیگان کنگ ءِ واھشت ءِ درشان کت۔
