اسلام آباد۔ 25 اپریل (اے پی پی)ڈپٹی چیئرمین منصوبگ بندی کمیشن سرتاج عزیز ءِ سروکی ءَ پیمرا سرچ کمیٹی ءِ اولی دیوان ءَ چار شمبے ءَ برجم دارگ بوت۔ دیودان ءَ سیکرٹری اھوالکاری ءُُ شنگ کاری سردار احمد نواز سکھیرا ، چیئرمین پی بی اے میاں عامر محمود ، حمید ہارون ءُُ عارف نظامی ءِ ھم دیوان ءَ بھر زوری کت۔ رسانک در آنی رد ءَ دیوان ءَ سپریم کورٹ ءِ پنت ءُُ شون ءِ سر ءَ چیئرمین پیمرا ءِ دارگ ءِ سرءَ چار ءُُ بچار کنگ بوت۔ سیکرٹری اھوالکاری ءُُ شنگ کاری سردار احمد نواز سکھیرا ءَ دیوان ءَ چیئرمین پیمرا ءِ دارگ ءِ رپک ءِ سرءَ بریفنگ دات۔ دیوان ءَ چیئرمین پیمرا ءِ سیٹ ءِ واستہ ھالتاک ءَ اشتہار شنگ کنگ ءِ پیسلہ کنگ بوت۔ چیئرمین پیمرا ءِ سیٹ ءِ واستہ دیوانءَ اشتہار ءَ را پکوئیں رنگ دیگ بوت۔ دیوانءَ پیسلہ کنگ بوت کہ چیئرمین پیمرا ءِ واستہ میرٹ ءِ سر ءَ گہتریں مردم ءَ را دارگ بیت۔ سرچ کمیٹی ءِ آیوکیں دیوان 18مئی ءَ بیت۔
