مزن وزیر شاہد خاقان عباسی ءِ یو اے ای ءِ سفیر حمد عبید ابراہیم سالم الزابی ءَ گوں گند ءُُ نند ءَ تران، دونیمگی تجارت ءِ لھڈ آنی سر ءَ دل یکیمی ءِ درشان

یو اے ای ءِ سفیر ءَ ٹیل ءُُ گیس ءِ شوبگ ءَ سرمایہ کاری ءِ واستہ واھگ آنی درشان کت
اسلام آباد ۔ 25 اپریل (اے پی پی) مزن وزیرشاہد خاقان عباسی ءَ گوشت کہ پاکستان ءُُ متحدہ عرب امارات ءِ نیام ءَ تجارت ءِ لھڈ آنی سرءَ دل یکیمی ءِ درشان کنان ءَ گوشت کہ پاکستان توان، ٹیل ءُُ گیس، ٹیلی کارم ءُُ مالیاتی ازمتت ءِ شوبگ ءَ سرمایہ کاری ءِ پڑ ءَ جوانیں سیت پیش کنت اِنت۔ آئی ءَ اے گپ یو اے ای ءِ سفیر حمد عبید ابراہیم سالم الزابی ءَ گوں گپ ءُُ تران ءِ ساھت ءَ کت انت آئی ءَ چار شمبے ءِ روچ ءَ مزن وزیر کارگس ءَ مزن وزیر ءَ گند ءُُ نند کت۔ مزن وزیر یو اے ای ءِ گوما یکوئی آناں گیش ارزشت سہرا کنان ءَ گوشت کہ پاکستانی لڈ ءُُ بار کنوک آنی مزنیں کساس ءِ یو اے ای ءِ دیمرؤی ءَ ارزشتی ایں کرد پیلو کنگ ءَ انت ءُُ وت مہ براتی پڑ ءَ پُل ءِ بستار ءَ کار کنگ ءَ انت۔ آئی ءَ گوشت کہ یو اے ای ءِ دیمروئی ءُُ پاکستان ءَ را ھاسیں رنگ ءَ دور ءُُ گستائیں دمگ آنی تہءَ بنی آدم آنی کمک آنی توسیپ کت۔ آئی ءَ گوشت کہ اے کمک مئے مھکمیں سیادی ءِ درور اَنت۔ مزن وزیر ءَ پاکستان ءِ حکومت ءُُ الس ءِ نیمگءَ یو اے ای ءِ صدر شیخ خلیفہ بن زید النہیان ءُُ الس ءِ واستہ نیکیں واھگ پُجارینت انت۔ یو اے ای ءِ سفیر ءَ مزن وزیر ءِ شگر ءُُ منت گران ءَ پاکستان ءِ ٹیل ءُُ گیس ءِ شوبگ ءَ سرمایہ کاری ءِ واستہ یو اے ای ءِ واھشت آنی درشان کت۔