اسلام آباد ۔ 25 اپریل (اے پی پی) مزن وزیرشاہد خاقان عباسی ءَ گوشت کہ پاکستان ءُُ قزاخستان ءِ نیام ءَ وت مہ وتی یکوئی ءُُ نزیکیں دوستی ءِ ریشگ جوان ءُُ برجا اَنت، دوئیں ملک آنی نیام ءَ تتجارت ءُُ سرمایہ کاری ءَ ھوار اقتصادی رابطہ آناں دیمروئی دیگ ءِ ضلورت اِنت۔ آئی ءَ اے گپ کزاکستان ءِ نوکیں سفیر بارلی بے سادیقوف ءَ تران کنان ءَ کت آئی ءَ چار شمبے ءِ روچ ءَ مزن وزیر کارگس ءَ آئی ءَ گوں گند ءُُ نند کت۔ مزن وزیر ءَ کزاکستان ءِ نوکیں سفیر ءَ را مبارکی دیان ءَ امیت ءِ درشان کت کہ آ پاکستان ءُُ کزاکستان ءِ نیام ءَ استیں نزیکیں رابطہ آناں دیمروئی دیگ ءَ وتی کرد ءَ پیلو کن اَنت۔ آئی ءَ کزاکستان ءِ سروکی ءُُ الس ءِ دیمروئی ءُُ وشھالی ءِ واستہ نیکیں واھگ آنی درشان کت۔ سفیر ءَ کزاکستان ءِ سروکی ءِ نیمگ ءَ نیکیں واھگ مزن ووزیر ءَ تاں سر کت اَنت۔ آئی ءَ گوشت کہ کزاکستان پاکستان ءِ گوما یکوئی آناں سک باز ارزشت دنت۔ آئی ءَ امیت رسانکی رابطہ ءُُ راہداری تجارت ءِ منوگر آں ھوار پاکستان ءِ گوما تجارتی ءُُ اقتصادی یکوئی آناں دیمروئی دیگ ءِ واستہ وتی حکومت ءِ واھشت آناں سہرا کت۔ آئی ءَ مزن وزیر ءَ را صدر نور سلطان نذر بایوف ءِ کزاکستان ءِ دیمروئی گامگیج 2050ءِ بابت ءَ ھم سرپد کت۔ مزن وزیر ءَ سفیر ءِ واستہ نیکیں واھگ ءُُ جوزگ آنی درشان کت۔
