اسلام آباد۔ 23دسمبر (اے پی پی) وزیر مملکت کیڈ ڈاکٹر طارق فضل چوہدری پارینے کہ اسلام آباد نا پمز ہسپتال اٹی ودیکی نا کیہی ڈٹ آتیا کاریم برجائِ ، وزیراعظم ہسپتال کن 18آن 19 ارب روپئی نا ڈٹ آتا منظوری ئِ تسنے۔ جمعہ آ ایوان بالا نا دیوان اٹی وقفہ سوج آتا وخت سینیٹر نزہت صادق، ڈاکٹر جہانزیب جمالدینی و ایلو باسک آتا سوج آتا ورندی ٹی اوپارینے کہ 2004ءآن 2016ءنا وخت پمز انا کیہی بشخ آتیٹی اسہ ارب 76 کروڑ روپئی آن زیات نا مشینری و گڑا نصب کننگا۔ داوخت آ ہسپتال اٹی ایم آر آئی و سی ٹی اسکین نا مشین تا ہلنگ آ ہچ ئُ پابندی اس اف۔ پولی کلینک ہسپتال اٹی زچہ و بچہ سینٹر ئِ پوسکن آ آسودہی تیان آراستہ کننگ کن ہم کاریم مننگ ئِ۔ نرم ہسپتال کن پوسکن ئُ سامان و مشینری ہلنگ کن سمری وزارت کیڈ ئِ گدریفنگانے۔
