کراچی ۔ 25 اپریل (اے پی پی) گورنرسندھ محمد زبیر ءَ گوشت کہ چین پاکستان اقتصادی راہداری منصوبگ دوئیں ملک آنی نیام ءَ وت مہ وتیں یکوئی ءِ تل پچیں راستی اِت، حکومت آنی مٹ بوھگ ءَ چہ سی پیک ءِ سرءَ اِچ اسر نہ بیت۔ گورنر ہاؤس ءِ نیمگ ءَ جاڑی بوتگیں جار آنی رد ءَ اے ھیالانی درشانی آئی ءَ سی پیک سمٹ اینڈ ایکسپو 2018ءِ گڈی سیشن ءَ گوں ھاسیں مہمان ءِ بستار ءَ تران کنان ءَ کتگ۔ گورنر سندھ ءَ گوشت کہ منصوبگ ءِ سرجمی ءَ چہ معاشی، تجارتی، کاروباری ءُُ اقتصادی چست ءُُ ایر آنی تہءَ گیشی بوتگ ایشی ءَ چہ ھندی مردم آناں روزگار ءِ جوانیں موہ رس ایت۔ آئی ءَ گوشت کہ 2013ءَ پاکستان ءَ ایمنی ءُُ ھاٹیگ ءِ کمیگ ءِ بیم است اتنت ءُُ ایشی ءِ سبب ءَ سی پیک ءِ بابت ءَ بازیں جست لھڈ جنگ ءَ بوتگ اَنت۔ سی پیک منصوبگ ءِ سرجمی ءَ چہ پد پاکستان میاں اوستمانی تجارت ءِ تہءَ جوانیں کرد پیلو کنت ءُُ ابرمی دکہ آنی سبب ءَ گوادر ءَ را میاں اوستمانی پڑ ءَ اقتصادی رد ءَ جتائیں پجار ءِ گون انت۔ اے موہ ءِ سءَ سینیٹ ءِ بُکگ جنوکیں پارٹی ءِ سروک شیری رحمان، سینیٹر مشاہد حسین سید، حمید ہارون ءُُ ایندگر آں ھم گشتانک دات۔ گڈ ءَ گورنر سندھ محمد زبیر ءَ گشتانکار آناں سووینیئرز ھ ءِ داد دات۔
