اسلام آباد ۔ 25 اپریل (اے پی پی) چیئرمین سینٹ محمد صادق سنجرانی ءَ گوشت کہ پاکستان یکوبا ءِ نیام ءَ دو نیمگی یکوئی آناں گیش دیمرؤی دیگ ءِ ضلورت انت وت مہ وتی رابطہ آناں گیش ودینگ بہ بیت ءُُ ایشی ءَ ھوار پارلیمانی یکوئی، وت مہ وتی واھگ آنی ایندگر دومی شوبگ آنی تہءَ کمک آناں گیش دیمروئی دیگ بہ بیت۔ آئی ءَ اے گپ کیوبا ءِ سفیر گیبریل ٹیل کیپوٹے ءِ گوما گند ءُُ نند ءَ گوشت اَنت ایش چار شمبے ءِ روچءَ پارلیمنٹ گس ءَ کنگ بوت اَنت۔ گند ءُُ نند ءَ وت مہ وتی واھگی کار آنی سر ءَ ھیال ریچی کنگ بوت۔ چیئرمین سینیٹ ءَ گوشت یکہ پاکستان کیوبا ءِ گوما دتی دونیمگی کمک آناں شرپ مندی ءَ گوں چار ایت۔ آئی ءَ گوشت کہ اے دو نیمگی یکوئی آناں گیش دیمروئی دیگ بہ بیت۔ چیئرمین سینٹ ءَ گوشت کہ پاکستان ءُُ کیوبا ءَ گرانیں ءُُ سنگینیں ساھت آں یک ءِ دومیگ ءِ گوما ھمبراھ داری کتگ ءُُ میاں اوستمانی پڑ ءَ جتا جتائیں فورمز آنی تہ ءَ یک ءِ دومیگ ءِ کمک کتگ ایش اے گپ ءِ درشان ءَ کن اَنت کہ دوئیں ملک یک ءِ دومیگ ءِ گوما یکوئی آناں ارزشت دینت۔ چیئرمین سینٹ ءَ وانگ ءُُ زانگ، تجارت ءُُ ایندگر شوبگ آنی تہءَ کمک کنگ ءِ سر ءَ زور پر دات۔ آئی ءَ کیوبا ءِ حکومت، الس ءُُ پارلیمان ءِ واستہ نیکیں واھگ آنی درشان ھم کت۔ کیوبا ءِ سفیر ءَ چیئرمین سینیٹ ءِ شگر گپت ءُُ تجارتی ءُُ اقتصادی پڑ ءَ رابطہ آناں دیمروئی ءِ سرءَ زور پر دات۔
