اسلام آباد ۔ 25 اپریل (اے پی پی)صدر مملکت ممنون حسین ءَ گوشت کہ پاکستان ءُُ سری لنکا ءَ ناشرکاری ءِ رد ءَ جوانیں گامگیج زوران ءَ دیم پہ دیمی کت ایشیءِ سبب ءَ پڑ ءَ برجائی پیداک بوتگ۔ صدر ءِ مملکت ءَ اے گپ سری لنکا ءِ سلاھ بندیں ارد ءِ سروک لیفٹیننٹ جنرل مہیش سینانائیکے ءَ گوں گپ ءُُ تران کنان ءَ کت آئی ءَ وتی ڈل ءِ ھمبراھی ءَ ایوان ءِ صدر ءَ آئی ءَ گند ءُُ نند کت۔ صدر ءِ مملکت ءَ گوشت کہ پاکستان ءُُ سری لنکا ءِ نیام ءَ یکوئی دروری اَنت۔ آئی ءَ گوشت کہ پاکستان ءَ را سری لنکا ءِ گوما دوستی ءِ سرءَ پگر اِنت کہ آئی ءَ ناشرکاری ءِ سرءَ گر ءُُ داری ءَ ھوار بازیں جاور آنی تہ ءَ پاکستان وتی ھک ءُُ دلیں دوست ءِ کار ءَ اتکگ، آئی ءَ گوشت کہ سری لنکا ءِ وڑ ءَ پاکستان ھم ناشرکاری ءِ نشانگ جوڑ بوتگ بلئے پاکستانی راج ءَ یکوئی ءُُ سلاھ بندیں اُرد ءِ دلیری ءَ گوں ایشی ءِ دیم چکرینتگ ءُُ ما اے جیڈھ ءِ مزنیں کساس ءَ گر ءُُ دار کنگ ءَ کامیات بوتگ اَنت، ایشی ءِ ھاترا راج ءَ مزنیں کربانی داتگ۔ مقبوضہ کشمیر ءَ بے کسوریں کشمیری الس ءِ لگ مالی مئے واستہ پریشانی ءِ سبب اِنت، ما لوٹ آں کہ میاں اوستمانی ادارگ ءُُ میاں اوستمانی برات اے جیڈھ ءِ تہ ءَ وتی کرد ءَ پیلو بکن انت۔ شرپ مندیں مہمانج آں اے موہ ءِ سرءَ جتا جتائیں شوبگ آنی تہءَ پاکستان ءِ کمک ءِ پد ءَ صدر ءِ مملکت ءِ شگر ءُُ منت گپت ءُُ گوشت کہ دوئیں ملک آنی نیام ءَ کمک ءِ اے رچ آیوکیں وھد ءَ ھمے جوزگ ءِ گوما جاڑی مان ایت۔ آئی ءَ گوشت کہ پاکستان بت سیوالائیزیشن ءِ امبار اِت اے دوئیں راج آنی یکجائیں مڈی انت، ھمے ھاترا پاکستان ءَ آیگ ءَ مُدام آواناں دلی ساکمی رسیت۔
