اسلام آباد ۔ 25 اپریل (اے پی پی) وزیر مملکت اھوالکاری ءُُ شنگ کاری ءُُ راجی مڈی مریم اورنگزیب ءَ کلانہ ایں ٹی وی آرٹسٹ مدیحہ گوہر ءِ بیرانی ءِ پد ءَ دلپدردی ءِ درشان کت ءُُ گوشت کہ مدھیہ گوہر ءَ ازمکاری ءُُ کسمانک ءِ شوبگ ءَ وتی جوانیں کرد ءِ پیش داشتگ۔ وتی بیان ءِ تہءَ مریم اورنگزیگ ءَ گوشت کہ مدیحہ گوہر ءَ وتی ازم ءَ را چاگرد ءِ گہتری ءِ واستہ چاگردی جنز ءِ گوناپ داتگ ءُُ گڈی وھد ءَ اے مشن ءَ گوں بندوک بوتگ۔ آئی ءَ گوشت کہ مدیحہ گوہر ءَ چاگردی جیڈھ آنی سہرا کنگ ءَ تھیٹر ءَ را وتی وسیلگ کتگ۔ تھیٹر ءِ ھوالگ ءَ آئیءِ ازمت آناں تاں دیراں یات دارگ بیت۔ آئی ءَ گوشت کہ مدیحہ گوہر ٹوھیں وانندگیں زالبول ءِ بوتگ آئی ءَ چاگرد ء، جوانیں سسا آناں دیمروئی ءِ واستہ گران بہائیں کار کتگ۔ وزیر ءِ مملکت مریم اورنگزیب ءَ گوشت کہ اللہ تعالیٰ ھُدا مرزی ءَ را وتی رحمت اانی تہ ءَ جاھ ءُُ پشمندگ آناں اوپار کشی ءِ زکت ءَ بدیات۔
