لاہور۔25 اپریل(اے پی پی )بُنجاھی وزیر تجارت پرویز ملک ءَ گوشت کہ آیوکیں بُنجاھی بجٹ 2018-19ءَ ٹیکسٹائل ءُُ یلیو چین حکومت ءِ اولی ترجی بیت، گوزوکیں مالی سال ءِ ساھت ءَ ٹیکسٹائل سیکٹر ءِ واستہ حکومت ءِ نیمگ ءَ 50ارب کلدار جاڑی کنگ بوت ایشی ءِ سبب ءَ برآمدات آنی تہ ءَ کمیگ کمو کم بوتگ ءُُ گوستگیں مالی سالءِ نسبت ءَ گوزوکیں مالی سال ءِ ساھت ءَ ٹیکسٹائل برآمدات ءَ 7.17درسد گیش بوتگ، میاں اوستمانی ادارگ پرائس واٹر ہاؤ س کوپرز ءِ ردءَ پاکستان ءِ معشیت ءِ شمار 2030ءَ تاں دُگنیا ءِ 20وھدیکہ 2050ءَ تاں دُگنیا ءِ 15ٹوھیں معشیت آنی تہءَ کنگ بیت۔ آ چار شمبے ءِ روچءَ ادا ھندی ہوٹل ءَ ٹیکس ٹاک میگزین ءِ چیر دستی ءَ ’’انسپائرنگ پاکستان‘‘کانفرنس ءَ گشتانک دیان اَت۔ کانفرنس ءَ ٹیکسٹائل سیکٹر ءَ گوں بندوکیں دُگنیا ءِ جتا جتائیں ملک آں چہ آیوکیں ڈل بھر زوری کنگ ءَ انت۔ بُنجاھی وزیر ءَ گوشت کہ حکومت ءَ ٹیکسٹائل سیکٹر ءَ جتا جتائیں آسراتی پُجارینتگ ایشی ءِ تہ ءَ دُراج بُریں فنانسنگ ءِ آسراتی ءِ سرءَ سُت 11.4درسد کنگ بوتگ ءُُ ایشی ءِ آسراتی جننگ ءُُ سپننگ ءُُ سپننگ سیکٹر ھم ھوار اَنت، 2017-18ءِ واستہ ٹیکسٹائل مشنرئی ءِ ڈیوٹی فری درآمد جاڑی اَنت، ٹیکسٹائل سیکٹر ءِ واستہ گیس ءُُ توان ءِ یک شل ءَ پُجاری، ‘ٹیکسٹائل سیکٹر ءِ واستہ ٹیکنالوجی اپ گریڈیشن فنڈ سکیم2016-19 ءِ بندات کنگ بوتگ ایشیءِ واستہ سٹیٹ بینک ءَ را سال 2016-17ءِ فنڈ جاڑی کنگ بوتگ اَنت۔ آئی ءَ گوشت کہ مزن وزیر ءِ پیکیج ءِ چیر دستی ءَ ٹیکسٹائل مشینری ءَ را زیرو ریٹڈ کنگ ءَ ھوار پلانٹ بریڈرز رائٹ بل ءِ بنگیج ءَ را دل یکیمی جوڑ کنگ بوتگ، مزن وزیر پیکیج ءِ چیر دستی ءَ ٹیکس ءِ ڈیوٹی ڈرا بیک ءَ گارمنٹ ءِ شوبگ ءَ 7درسد، میڈ اپس ءَ را 6درسد ‘ پراسیسڈ فیبرکس ءَ را 5درسد ءُُ یارن اینڈ گریج فیبرکس آناں 4درسد ءِ آسراتی پُجارینگ بوتگ۔ آئی ءَ گوشت کہ گوزوکیں مالی سال ءِ ساھت ءَ ٹیکسٹائل سیکٹر ءِ واستہ حکومت ءِ نیمگ ءَ 50ارب کلدار جاڑی کنگ بوتگ ایشی ءِ سبب ءَ برآمدات ءِ تہءَ کمیگ کمو کم بوتگ ءُُ ٹیکسٹائل برآمد گوزوکیں مالی سال گوستگیں مالی سال ءِ نسبت 7.17درسد گیش بوتگ۔ آئی ءَ گوشت کہ حکومت ءِ جوانیں اقتصادی پالیشی ءِ بدولت پاکستان معشیت ءَ گوستگیں پنچ سالی آنی تہءَ گیش دیمروئی کتگ وھدیکہ سی پیک ملکی معشیت ءِ ودوکی ءَ گیش کرد پیلو کنت اِنت۔
