سی پیک نا ایوک ءَ پاکستان ءِ اقتصادی دیمروئی بلکینگ ءَ توامیں پڑ ءِ دیمروئی ءَ ارزشتی ایں کرد پیلو کنت
اسلام آباد ۔ 24 اپریل (اے پی پی) وزیر خارجہ خواجہ آصف ءَ گوشتگ کہ سی پیک نا ایوک ءَ پاکستان ءِ اقتصادی دیمروئی بلکینگ ءَ توامیں پڑ ءِ دیمروئی ءَ ارزشتی ایں کرد ءِ پیلو کنت اِنت۔ اے گپ آئیءَ چین ءِ نائب صدر وانگ قیشان ءَ گوں گپ ءُُ تران کنان ءَ گوشت ، آئی ءَ سئے شمبے ءَ بیجگ ءَ ایس سی او وزیر ءِ درئی کار کونسل دیوان ءِ موہ ءَ آئی ءَ گوں گند ءُُ نند کت۔ درئی کارانی کارگس ءِ رد ءَ وزیر ءِ درئی کار ءَ استیں گچین کاری ءَ کامیات بوھگ ءِ پد ءَ چین ءِ نائب صدر ءَ را مبارکی دات ءُُ اے امیت ءِ درشان کت کہ آ دوئیں ملک آنی نیام ءَ دو نیمگی یکوئی ءَ را گیش برجم کنگ ءَ وتی کرد ءَ پیلو کن اَنت۔ چین ءِ نائب صدر وانگ ءَ اے گپ ءِ سرءَ زور پر دات کہ پاک چین یکوئی ءُُ ریاست آنی وت مہ وتی یکوئی ءَ یک ماڈل ءِ بستار ءَ دار ایت۔ آئی ءَ پاکستان ءِ آزاتی ءُُ وت واجئی ءُُ ناشرکاری ءِ ھلاپ ءَ جنگ ءَ پاکستان ءِ کوشست آنی ھوالگ ءَ چین ء، نیمگ ءَ کمک ءُُ ھمبراہ داری ءِ جزم ءِ درشان کت ءُُ گوشت کہ چین پاکستان ءِ اقتصادی دیمروئی ءَ کرد ءَ جاڑی دار ایت۔ وزیر ءِ درئی کار خواجہ آصف ءَ گوشت کہ سی پیک چینی صدر جن پنگ ءِ یک پٹی ءُُ یک سڑک انیشیٹیو ءِ فلیگ شپ منصوبگ ات، ایشی ءِ سرءَ ترندی ءَ گوں دیمروئی کار جاڑی اِنت وھدیکہ بازیں منصوبگ سرجم بوتگ اَنت ءُُ بازیں گڈی بھر آنی تہءَ اَنت۔ جارچین ءِ رد ءَ دوئیں سروک آں گند ءُُ نند ءِ ساھت ءَ دو نیمگی، دمگی ءُُ میاں اوستمانی کار آنی سرءَ ھیال ریچی کت ءُُ پاکستان ءُُ چین ءِ نیام ءَ توامیں کار آنی سرءَ سٹریٹجک کمیونیکشن جاڑی دارگ ءِ سرءَ تپاک کت۔
