اسلام آباد۔ 23 اپریل (اے پی پی) وزیر مملکت برائے اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ محمد نواز شریف وتی نادُراھیں زال ءُُ مریم نواز وتی نادُراھیں مات ءَ را یل کتگ ءُُ دووارگ آمید گس ءَ پیش بوتگ، محمد نواز شریف ھر وھد ءَ ملک ءَ چہ ڈن ءَ روت گڈا ھلاپ گل ءُُ شات بنت کہ نوں میاں نواز صاحب واتر نہ ایت بلے آھوانی دل ءِ مراد نہ بنت، کرپشن ءِ ریکاٹ جوڑ کنوکیں لاڑُک آنی کاگد نیب ءِ آمید گس ءَ گار کنگ بنت، پارلیمنٹ ءُُ پی ٹی وی ءِ سرءَ ارش کنوکیں دومی لاڑک آناں ھمک روچ ءَ شید ءُُ بید کنگ بیت بلے ھپتگ ءِ ھپتیں روچ ءَ ءُُ دو روچ ءَ دو رنگ ءَ آمید گس ءَ پیش بوھوکیں نادُراھیں زال ءِ چست ءُُ ایر ءِ واستہ شید ءُُ بید ءِ دزبندی نہ رسیت، اے بنی آدم آنی بنیاتی ھک ءِ ھلاپ نہ اِنت گڈا چے اِنت، مئے ھلاپ کنوک سیاست نہ کن اَنت بلکیں شید ءُُ بیدی ءِ نیمگ ءَ تچ اَنت۔ آ دو شمبے ءِ روچ ءَ آمید گس ءِ ڈن ءَ تران کنان ات۔ وزیر ءِ مملکت مریم اورنگزیب ءَ گوشت کہ واجد ضیا ءَ محمد نواز شریف ءِ سر ءَ ھمینکاس کہ الزم جتگ ایشاناں دروگ سہرا کتگ۔ آئی ءَ گوشت کہ محمد نواز شریف ھمک وھد کہ ملک ءَ ڈن روت گڈا ھلاپ کنوک گل ءُُ شات بنت۔
