مزن وزیر شاہد خاقان عباسی ءِ ھاٹیگ ءِ بابت ءَ کابینہ کمیٹی ءِ دیوان ءِ سروکی ءَ پد میڈیا ءَ گوں تران
دونوں ادارگ آنی نیام ءَ وام ءِ جیڈھ ءَ را زوت گیوار کنگ ءِ ھاترا مفتاح اسماعلیل ءِ سروکی ءَ کمیٹی برجا
کراچی ۔ 23 اپریل (اے پی پی)مزن وزیر شاہد خاقان عباسی ءَ گوشت کہ کراچی ءَ گوستگیں بازیں ھپتگ آں چہ توان ءِ بندش ءِ جاڑیگیں جیڈھ ءِ گیواری ءِ واستہ سوئی سدرن گیس پائپ لائنز لمیٹڈ ءُُ کراچی الیکٹرک ءِ نیام ءَ جیڈھ آنی گیواری کنگ بوت۔ امیت اِنت کہ توان ءِ کمیگی ءِ سبب ءَ آپ ءِ کمیگی ءِ جیڈھ ھم گیوار کنگ بیت ھمے رنگ ءَ کہ سوئی سدرن ءَ کے الیکٹرک ءِ ضلورت پورا کنگ ءِ دل یکیمی کتگ۔ آئی ءَ اے گپ دو شمبے ءَ ادا گورنر ہاؤس ءَ ھاٹیگ ءِ بابت ءَ کابینہ کمیٹی ءِ دیوان ءِ سروکی ءَ پد ءَ میدیا ءَ گوں تران کنان ءَ کت۔ مزن وزیر ءَ گوشت کہ مشیر مفتاح اسماعیل ءِ سروک ءَ یک کمیٹی ءِ جوڑ کنگ بوتگ ایش ایس ایس جی پی ایل ءُُ کے الیکٹرک ءِ نیام ءَ وام آنی جیڈھ ءَ را زوت گیواری ءِ سر ءَ چار ءُُ تپاسی زور اَنت۔ کے الیکٹرک ءِ ’’اجارہ داری‘‘ ءِ بابت ءَ یک جُستے ءِ پسو ءَ آئی ءَ گوشت کہ حکومت کمپنی ءَ را گرگ ءُُ زورگ یا کراچی ء۔ توان ءِ پیداوار ءُُ بھر ءُُ بانگ ءِ واستہ ھمے رنگ ءِ دگہ ادارگ ءِ جوڑ کنگ ءِ اچ ارادھ نہ دار ایت۔ آئی ءَ گوشت کہ کے الیکٹرک نیپرا ٹیرف ءِ چیر دستی ءَ کار کنگ ءَ اِنت ءُُ اِچ گیشیں زرّچارج کت نہ کنت۔ ملک ءِ جاڑیگیں لوڈشیڈنگ ءِ ھوالگ ءَ یک جُستے ءِ پسو ءَ شاہد خاقان عباسی ءَ گوشت کہ انوگ ءَ تاں توان ءِ پیداوار لوٹ ءَ چہ گیش انت بلے پدا ھم اے رنگیں دمگ آھودا چیل ، پنجاھ یا شست درسد ءَ تاں توان دُزئی بوھگ ءَ اِنت ایشرا لوڈشیڈنگ ءِ گوما دیم پہ دیمی کنگ کپ ایت۔ یک شل ءَ بل دیوک آنی آماچ بوھگ ءِ بابت ءَ جُست ءِ پسو ءَ مزن وزیر ءَ گوشت کہ اے بد بھتی اِنت پدا ھم اے رنگیں دمگ آنی تہ ءَ توان ءِ پُجاری بوت نہ کنت آھودا مزنیں کساس ءَ تاوان بوھگ ءَ اِنت۔ دیوان ءَ گورنر سندھ محمد زبیر، سر وزیر سندھ سیّد مراد علی شاہ، سر وزیر پنجاب شہباز شریف، بُنجاھی وزیر توان اویس لغاری، وزیر مملکت توان عابد شیر علی، مزن وزیر ءِ مشیر برائے ھزانگ متفاح اسماعیل ءُُ ایندگر کلانہ ایں کارندہ آں بھر زوری کت۔ دیوان ءِ ساھت ءَ ملک ءَ توان ءِ استیں پیداوار ءِ جاور ھال آنی سر ءَ چار ءُُ تپاسی گرگ بوت۔
