چیئرپرسن بی آئی ایس پی ماروی میمن ءِ اقوام متحدہ ءِ ڈپٹی سیکرٹری جنرل آمنہ جے محمد ءَ گوں گند ءُُ نند، ڈپٹی سیکرٹری جنرل ءِ ماروی میمن ءِ وژن ءِ توسیپ
ماروی میمن ءَ گریبیں ھاندان آناں ماحولیات، وردن ءُُ وراک ءُُ سیکورٹی ءِ کمیگ آں گوں گر ءُُ چیل بوھگ ءِ ھوالگ ءَ چاگردی نظام ءَ بھر زوری ءِ واستہ یو این سسٹم ءَ سوشل سیفٹی نیٹ ءَ را ھوار کنگ ءِ شور ءُُ سلاھ پیش کت
اسلام آباد ۔ 23 اپریل (اے پی پی) چیئرپرسن بی آئی ایس پی ماروی میمن ءَ اقوام متحدہ ءِ ڈپٹی سیکرٹری جنرل آمنہ جے محمد ءَ گوں مرچی آئی ءِ کارگس ءَ گند ءُُ نند کت۔ ماروی میمن عالمی بینک ءِ ‘سپرنگ میٹنگز’ءَ بھر زوری ءِ ھاترا امریکہ ءَ ساڑیگ اِنت۔ بانُک آمنہ جے محمد یو این سسٹم ءِ سیکرٹری جنرل ءَ پد دومی مزنیں اُگدہ دار اِنت ءُُ بنی آدمی دیمروئی ءِ ھوالگ ءَ 35سالی کزبی تجروبت ءِ است۔ گند ءُُ نند ءَ ماروی میمن ءَ گریبیں ھاندان ءَ را ماحولیات، وردن ءُُ وراک ءُُ سیکورٹی ءِ کمیگ ءَ گوں گر ءُُ چیل بوھگ ءِ بابت ءَ چاگردی نظام ءِ تہءَ بھر زوری ءِ ھاترا یو این سسٹم ءَ سوشل سیفٹی نیٹ ءَ را ھوار کنگ ءِ لیکہ ءَ را پیش کت۔ اے رنگ ءَ جتا جتائیں ملک آنی سوشل سیفٹی نیٹس ءِ بابت ءَ کار ءَ را مالومداری شریکی ءِ واستہ یکجا کنگ بیت کنت تانکہ یک جوانیں نمونگے ءَ مھمیں دیمروئی ءِ سیم سر آنی در جنگ ءَ را دل یکیمی جوڑ کنگ بوت بہ کنت۔ اے رد ءَ بی آئی ایس پی وتی میاں اوستمانی تسلیم بوتگیں کامیاتی آنی ھمبراھی ءِ بلدکاری ءُُ ازمت آنی پیشکش کنگ ءِ ھواھشت مند بیت۔ بانُک آمنہ جے محمد ءَ زالبول آںی ھلاپ ءَ لٹ ءُُ لٹ کاری ءُُ توپان ءِ ساھت ءَ ریلیف ءِ پُجاری کنگ ءِ ھوالگ ءَ ھم چیئرپرسن بی آئی ایس پی ءِ کار ءِ توسیپ کت۔ ماروی میمن ءَ آئی ءِ نیمگ ءَ پیش بوتگیں شور ءُُ سلاھ آنی سر ءُُ دل یکیمی ءِ درشان سہرا کنگ ءِ پد ءَ اقوام ءِ متحدہ ءِ ڈپٹی سیکرٹری جنرل ءِ شگر ءُُ منت گپت۔
