پاکستان ءُُ چین سی پیک ءَ را سرجم کنگ ءِ جزم یگ اَنت، پاکستان ءَ را وتی آئرن فرینڈ پھم ایت، سی پیک پاک چین دوستی ءِ جوانیں بھر اِنت، ایشی ءَ چہ سرجمیں پڑ ءَ وشھالی کئیت
کراچی ۔ 23 اپریل (اے پی پی) چینی سفیر یاؤ جنگ ءَ گوشت کہ پاکستان ءِ گوما درورئی یکوئی است، پاکستان ءُُ چین دوئیں پاک چین اقتصادی راہداری منصوبے ءَ را سرجم کنگ ءِ واستہ جزمیگ اَنت، پاکستان ءَ را وتی آئرن فرینڈ پھم آں، سی پیک پاک چین دوستی ءِ یک المی ایں بھر اِت۔ اے ھیالانی درشانی آئی ءَ دو شمبے ءَ سی پیک سمٹ ءَ گوں گشتانک دیان ءَ کت ایشی ءِ بندوبست ڈان میڈیا گروپ ءُُ وزارت منصوبگ بندی ءُُ دیمروئی کار ءِ شریکی ءَ کنگ بوت۔ آئی ءَ گوشت کہ پڑ ءَ دیمروئی چین ءِ کوھنیں واب اِت، چین پاکستان ءَ را وتی آئرن فرینڈ ءِ سما بیت۔ چینی سفیر ءَ گوشت کہ چین ، پاکستان ءِ گوما یکوئی آناں ایندگہ ریاست آنی واستہ یک درو ر ءِ جوڑ کنگ لوٹ ایت ءُُ ما سی پیک ءَ را یک المی ایں منصوبگ یارنگ ءَ چارگ لوٹ آں ءُُ منا پگر اِنت کہ پنچ سال ءِ عمل درآمد ءَ چہ پد سی پیک پاکستان ءِ دیمروئی ءَ کرد ادا کنگ ءَ اِنت۔ چینی سفیر یاؤ جنگ ءِ گوشگ اَنت کہ ما سی پیک ءَ را ایوک ءَ اقتصادی دیمروئی ناں بلکینگ ءَ چاگرد ءِ دیمروئی ءَ لوٹ آں۔
