ادارگ آنی وت مہ وت ڈُک ورگ ءَ ملک جیڈھ آنی آماچ بیت، سندھ حکوم بجٹ پیش کنت اِنت، اگاں خیبر پختونخوا ءِ صوبائی حکومت آں بجٹ پیش نہ کت گڈا جولائی ءَ ھرچ ءُُ درچ کت نہ کنت، پیسر ءَ ھم گوشتگ بوتگ کہ نواز شریف واتر ءَ کئیت، دعا اِنت کہ اللہ تعالیٰ کلثوم نواز ءَ جان سلامت کناں
اسلام آباد ۔ 23 اپریل (اے پی پی) قومی اسمبلی ءَ بُکگ جنوکیں پارٹی ءِ سروک سید خورشید احمد شاہ ءَ گوشت کہ ادارگ آنی وت مہ وت ءَ ڈک ورگ ءَ چہ ملک جیڈھ آنی آماچ بیت، سندھ حکومت بجٹءَ پیش کنت، اگاں خیبر پختونخوا ءِ صوبائی حکومت ءَ بجٹ پیش نہ کت گڈا جولائی ءَ ھرچ ءُُ درچ کت نہ کنت، دو شمبے ءَ پارلیمنٹ گس ءَ ھال رسانکی در آنی نماھندگ آں گوں تران کنان ءَ آئی ءَ گوشت کہ حکومت ءُُ آمید گس دوئیں صبر ءُُ اوپار ءِ درشان ءَ بکن انت چیا کہ ادارگ آنی وت مہ وت ءَ گر ءُُ چیل ءَ چہ ملک جیڈھ آنی آماچ بیت۔ سیاسی باسک بوھگ ءِ بستار ءَ جاور ھال آں چہ سک باز پریشان آں، ما نہ لوٹ آں کہ نظام چُنڈ چُنڈ بہ بیت۔ سیکورٹی واتر لوٹگ ءِ ھوالگ ءَ یک جُستے ءِ پسو ءَ آئی ءَ گوشت کہ ھُدا مہ کنت ملک ءَ ناشرکاری ءِ جاور ھال ءِ گور بہ جنت ءُُ اے ساھت ءَ کجام ھم سیاست دانے ءَ را چیز ءِ بوت گڈا بھتام آمید گس ءِ سرءَ کئیت، آمید گس ءَ را اے رنگیں جیڈھ آنی سرءَ دست مانجنی کنگ نہ لوٹ ایت۔ بے نظیر بھٹو ءِ شہادت ءِ واکیہ ھم ھمے سبب ءَ بوت چیا کہ پرویز مشرف ءَ سیکورٹی دُر کت اَنت ۔ آئی ءَ گوشت کہ اسفند یار ولی ءُُ مولانا فضل الرحمن ءِ سرءَ اُرش بوتگ، مارا ھم تاجگیں دھمکی دیگ بوتگ۔ آئی ءَ گوشت کہ من پیسر ءَ ھم گوشتگ کہ نواز شریف واپس کئیت۔ آ لندن ءَ نِشت گڈا آئی ءِ سیاست صفر بیت۔ آئی ءَ گوشت کہ منی دُعا اِنت کہ اللہ تعالیٰ منی گوھار کلثوم نواز ءَ را زوت جان سلامت کن آت۔
