اسلام آباد۔ 23دسمبر (اے پی پی) سینیٹ ئِ پاننگانے کہ گدرینگوک آ مسہ سال اٹی شفتالو نا برآمد اٹی کمتی مسنے۔ جمعہ آ ایوان بالا نا دیوان اٹی وقفہ سوج آتا وخت احمد حسن و ایلو باسک آتا سوج آتا ورندی ٹی بنجائی وزیر واپار خرم دستگیر خان ایوان ئِ پارے کہ حکومت کشاری بشخ انا برآمد آتیٹی ودکی کن گام گیج کننگ اٹی ئِ۔ دا چرجوئی ٹی سندھ، خیبرپختونخوا، سویلی پنجاب و ایلو علاقہ غاتیٹی درآمدی مشینری و پلانٹ آتا نرخ آ پنجا درسد اسکان چھوٹ تننگک وخت اس کہ مچ آ ملک اٹی پوسکن آ پلانٹ و مشینری نا نرخ آتیا سد درسد مارک اپ نا چھوٹ ئِ۔
