پاکستان مسلم لیگ (ن) ءِ زمانگ ملکی دیمروئی ءُُ کامیاتی ءِ زمانگ اِنت، سی پیک ءَ چہ پاکستان دیمروئی ءُُ تجارت ءِ بُنجاھی جوڑ بیت
کراچی ۔ 23 اپریل (اے پی پی) بُنجاھی وزیر منصوبگ بندی ءُُ دیمروئقی کار پروفیسر احسن اقبال ءَ گوشت کہ سی پیک ءَ چہ پاکستان دیمروئی ءُُ تجارت ءِ بُنجاھ جوڑ بیت، ما اے ایونٹ ءَ چار گ ءَ گل ءُُ شات آں کہ کراچی مٹ بوھگ ءَ اِنت چیا کہ وھد ءِ 2013 مسلم لیگ (ن) ءِ حکومت سروکی ءَ اتکگ گڈا اے شہر ٹارگٹ کلنگ ءُُ بھتہ گرگ ءِ نام ءَ زانگ ءُُ پجارگ بوتگ، سی پیک ءِ کمک ءَ چہ پاکستان دیمرؤی ءِ بُنجاھ جوڑ بیت ءُُ 2050ءَ تاں ایشیا میاں اوستمانی معشیت ءِ نمبگ ءَ 52 درسد ءِ کچ ءَ شریکدار جوڑ بیت۔ اے ھیالانی درشانی آئی ءَ دو شمبے ءَ سی پیک سمٹ ءَ گوں گشتانک دیان ءَ کت ایشی ءَ بندوبست ڈان میڈیا گروپ ءُُ وزارت ءِ منصوبگ بندی ءُُ دیمروئی کار ء۔ کتگ اَت۔ بُنجاھی وزیر ءَ گوشت کہ پاکستان مسلم لیگ (ن) ءِ زمانگ اے ملک ءِ دیمروئی ءُُ کامیاتی ءِ زمانگ انت ءُُ سی پیک ءُُ ون بیلٹ ون روڈ منصوبگ ءِ بندات اے ملک ءِ کسمت ءَ مٹ کنگ ءَ ارزشتی ایں کرد پیلو کنت۔ آئی ءَ ون بیلٹ ون روڈ منصوبگ ءَ را ٹوھیں موہ ءِ نامینان ءَ گوشت کہ اے منصوبگ ءِ کمک ءَ چہ پاکستان دیمروئی ءِ بُنجاھی جوڑ بیت ءُُ 2050 ءَ تاں ایشیا میاں اوستمانی معشیت ءِ نمبگ 52درسد ءَ شریکدار جوڑ بیت۔ آئی ءَ گوشت کہ لستیں مردم گوشیت کہ چین ایسٹ انڈیا کمپنی جوڑ بیت اے دُرست پروپیگنڈا اَنت ءُُ اے مردم آں تاریخ نہ ونتگ چیا کہ چین شریکداری لوٹ ایت ءُُ ایشی ءَ چہ پاکستانی تاجر آناں اچ ترس ءُُ بیم نہ اِنت۔ اے موہ ءِ سر ءَ سی ای او ڈان میڈیا گروپ حمید ہارون ءَ وزیر ءِ منصوبگ بندی احسن اقبال ءَ را شیلڈ ھم پیش کنت اِنت۔
