استیں حکومت ءَ کراچی ءَ را ایمنی ءُُ دیمروئی ءِ ٹیکی داتگ، ھاٹیگ ءِ کمیگ ءَ را گر ءُُ دار کتگ، 1700کلومیٹر موٹرویز جوڑ کتگ
کراچی ۔ 23 اپریل (اے پی پی) بُنجاھی وزیر توکی کار ءُُ منصوبگ بندی ءُُ دیمروئی کار احسن اقبال ءَ گوشت کہ استیں حکومت ءَ کراچی ءَ را ایمنی ءُُ دیمروئی ءِ ٹیکی داتگ، وھد ءِ حکومت گپتگ گڈا کراچی ءَ بے ایمنی اَت۔ اے ھیالانی درشانی آئی ءَ ڈاؤدڈینٹل کالج ءِ نوکیں ماڑی ءِ بنگیج کنگ ءِ موہ ءَ گشتانک دات۔ بُنجاھی توکی کارانی وزیر ءَ بُن ھشتی سبگ ءِ دیم درائی کت ءُُ کالج ءِ جتا جتائیں شوبگ آنی چار ءُُ تپاس کت۔ اے موہ ءِ سرءَ داؤد یونیورسٹی ءِ واسئس چانسلر ءَ کالج ءِ ازمت آں چہ سرپد کت۔ بُنجاھی وزیر ءَ گوشت ک وھد ءِ 2013ءَ حکومت گپت گڈا کرچی ءِ جاور سک باز ھراب اتنت ایشاناں شر کنگ ءِ سک باز جہد ءُُ کوشست کت۔ آئی ءَ گوشت کہ استیں حکومت ءَ مھکمیں گامگیج ءِ سبب ءَ مرچی کراچی ءَ ایمنی ءُُ وشھالی ءِ زمانگ بندات بوتگ۔ آئی ءَ گوشت کہ حکومت ءَ راجی گرڈ ءَ 10ہزار میگاواٹ ءَ چہ گیش توان ھوار کت ایشی ءَ چہ ملک ءَ ھاٹیگ ءِ کمیگ ءِ سر ءَ گر ءُُ دار کنگ بوتگ۔ آئی ءَ گوشت کہ استیں حکومت ءَ 1700 کلومیٹر موٹر ویز جوڑ کتگ۔
