اسلام آباد۔ 21 اپریل (اے پی پی) مزن وزیر شاہد خاقان عباسی ءَ گوشت کہ پاکستان مسلم لیگ (ن)آیوکیں لس گچین کاری وتی گچینی گامگیج ءِ ساھت ءَ ’’ ووٹ ءَ را شرپ بدئے‘‘ ءِ گال دیم ءَ جنز ایت۔ شمبے ءِ روچءَ ادا لندن ءَ اھوالکارراں گوں گپ ءُُ تران کنان ءَ آئی ءَ گوشت کہ اِچ مردم اے وڑیں نہ بیت کہ آ ووٹ ءِ شرپ ءِ ھلاپ ءَ بکنت۔ مزن وزیر شاہد خاقان عباسی، ایش دولت ءِ مشترکہ ءِ سروکیں دیوان ءَ شریک بوھگ ءِ واستہ لندن ءَ اتکگ، آئی ءَ گوشت کہ مسلم لیگ الیکشن ءَ دیم پہ دیمی کنت ءُُ باج ھم بارت۔ یک جُستے ءِ پسو ءَ آئی ءَ گوشت کہ نگرانیں مزن وزیر ءِ نام ءِ پیسلہ ءَ ءُُ راجی اسمبلی ءَ بُکگ جنوکیں پارٹی ءِ سروک سید خورشید شاہ کنت اِنت۔
