اسلام آباد۔ 20 اپریل (اے پی پی) وزیر مملکت انفارمیشن ٹیکنالوجی انوشہ رحمن ءَ گوشت کہ آیوکیں 11سال ءِ واستہ آئی ٹی، ٹیلی کارم ءِ شوبگ ءَ ٹیکس فری کنگ ءِ شور ءُُ سلاھ دیگ بوتگ، 2020ءَ تاں سافٹ وئیر ٹیکنالوجی ءِ برآمدات 10ارب ڈالر ءَ تاں سر بوھگ ءِ ھد ءُُ ابیل گیشینگ بوتگ اَنت، 2019ءَ پاکستان ءَ فائیوجی ٹیکنالوجی ءِ بندات ءَ را پکوئیں شکل دیگ بیت، پاکستان ءِ سائبر سیکورٹی کمزور اِنت دُرستاں چہ گیش سائبر اُرش ھمساھگیں ملک ءَ چہ بوھگ ءَ انت۔ آئی ءَ آدیینگ ءِ روچ ءَ ھندی ہوٹل ءَ موبائل فون کانگریس پاکستان 2018ء، مراگش ءِ موہ ءَ میڈیاءَ گوں گپ ءُُ تران کنان ءَ اے ھیالانی درشانی کنان ءَ کت۔ انوشہ رحمن ءَ گوشت کہ پاکستان آیوکیں دو سال ءَ سرجمیں دُگنیا ءَ فری لانسنگ آن لائن پروگرامنگ ءِ دُگنیا ءَ سرئی ملک اِنت، پاکستان ءَ آئی ٹی ءُُ ٹیلی کام ءِ شوبگ ءَ سرمایہ کاری ءِ پراھ ءُُ شاھیگانیں موہ است اَنت، گیر ملکی سرمایہ کار آنی پاکستان ءَ سرمایہ کاری ءِ ھوالگ ءَ دل یکیمی پکو بوتگ۔
