راولپنڈی۔ 20 اپریل (اے پی پی) شمالی وزیرستان ایجنسی ءِ تاجر ھندی سول ءُُ اُردی ءُُ قبائلی دمگ (فاٹا) سیکرٹریٹ ءِ نماھندگ آں گوں یک شمبے ءِ روچ 22اپریل ءَ گند ءُُ نند کت۔ گند ءُُ نند ءَ جیڈھ ءُُ ایشانی گیواری ءِ سرءَ ھیال ریچی کنگ بیت۔ پاک اُرد ءِ شوبگ (آئی ایس پی آر) ءِ ڈائریکٹر جنرل میجر جنرل آصف غفور ءَ آدینگ ءِ روچءَ وتی ٹویٹ کلوہ ءِ تہ ءَ گوشت کہ قبائلی آنی معاشی برجائی ءَ را ترجی دیگ بیت، فاٹا ءَ را رج ءِ گوما ھمگام کنگ قبائل ءَ را وت مستر جوڑ کنگ ءُُ ایشی ءِ وشھالی ءِ واستہ جوانیں بستار ءِ دار ایت۔ آئی ءَ گوشت کہ حر ءِ آپریشنز ءَ پد ’’کلیئر‘‘ فیز ءِ چیلنجز ءِ سر ءَ گر ءُُ دار کنگ ءَ آں، برجائی ءِ سرءَ کار جاڑی اِنت، اے مئے گس اِنت ءُُ ما یکجا باں ءُُ جاور آں گر ءُُ دار کن آں۔ آئی ءَ گوشت کہ اے وھد انت کہ گیر یکیمی جاور ھال پیداک کنگ ءَ دزگٹیں دژمن آنی بابت ءَ سرپد بوھگ لوٹ ایت پدا ھم اے ناشرکار وتی کوشست آنی تہ ءَ کامیات نہ بنت۔
