ایڈہاک ازم ءِ سرءَ باور کنوکیں راج کدی دیم روئی کُت نہ کن اَنت، جسٹس ثاقب نثار
چیف جسٹس آف پاکستان جسٹس ثاقب نثار ءِ چار سدہ بارءَ گوں تران
پشاور۔20اپریل (اے پی پی ) چیف جسٹس آف پاکستان ثاقب نثار ءَ گشتگ کہ ایڈہاک ءِ سرءَ باورکنوکءُ آئی ءِ رندگیری کنوکیں راج کدی دیم روئی کُت نہ کن اَنت بلکیں راج علم ءُ زانت ، جوڈیشل سسٹم ءُ لیڈر شپ ءَ چہ جوڈ بنتءُ دیمروئی کن اَنت۔ جمعہ ءِ روچءَ جوڈیشل کمپلیکس چارسدہ ءَ تران کنانءَ آئی ءَ گشتگ کہ انصاف ءِ پھجارینگءَ جان بڈی ءُ دیری ءِ مہ زمہ وار اَنت ءُ نوں اے ادارگ آناں ڈیلیور کنگءِ وھد آتکگ۔ آئیءَ گشتگ کہ انصاف ءِ تہا دیری ءِ بنیاتی سوب کانود ءِ جوڈ نہ بوھگ اِنت ایشیءِ سوبءَ مرچی ھم آمیدگسانی تہا 18سال کونیں کیس اَست ءُ آھانی سرءَ کاروائی بوھگءَ نہ اِنت۔ آئیءَ گشتگ کہ اے ھوالگءَ بار ءُ بینچ ءَ را وتی کرد پیلو کنگ لوٹ ایت ءُ سول مقدمہ آنی پیسلہ نوں سالانی بدلءَ ماھ آنی تہا بنت۔ آئیءَ گشتگ کہ اگاں چارسدہ ءَ انسانی ھکانی جیڑھ اَست گڈا امیدہ ءَ آمید گسءَ بندات کن اَنت۔ آئیءَ گشتگ کہ مرچی شماچہ کہ شرپ ر سیتگ ایشی ءَ را کدی بے ھال نہ کنی ءُ شمئے اے مہرءُ محبت منی سرءَ وام اِنت۔ آئیءَ گشتگ کہ اگاں آمیدگس ڈیلیور نہ کن اَنت گڈا نظام شر نہ بیت۔
