لندن۔ 20 اپریل (اے پی پی) مزن وزیر شاہد خاقان عباسی ءَ دولت ءِ مشترکہ سروک حکومت ءِ دیوان ءِ دومی روچ ءَ آدینگ ءَ دولت ءِ مشترکہ ملک آنی سروک آنی ھمبراھی ءَ سئے ریٹریٹ سیشن ءَ بھر زوری کت۔ ونڈ کیسل ءَ ریٹریٹ سیشنز ءِ ساھت ءَ مزن وزیر ءَ دولت ءِ مشترکہ ءَ گوں سیادی داروکیں سروک آنی گوما وت مہ وتی واھگی کار آنی سر ءَ ھیال ریچی کت۔ریٹریٹ سیشنز ءِ ساھت ءَ مزن وزری ءَ ھما سروک آں گوں گند ءُُ نند کت ءُُ وت مہ وت ھیال ریچی کت ایشانی تہ ءَ کینیا ءِ صدر ارہو کینیاٹا‘ کینیڈا ءِ مزن وزیر جسٹن ٹروڈو‘ مز ن وزیر نیوزی لینڈ جیسنڈا آرڈیرین ‘ صدر نائجیریا‘ صدر روانڈا پال کاگیم ءُُ پاپوانیوگنی ءِ مزن وزیر پیٹر اونیل ھوار اتنت۔ مزن وزیر شاہد خاقان عباسی ءَ دولت ءِ مشترکہ ءِ سروک حکومت ءِ 25بیست ءُُ پنچ ھمی دیوان ءَ شریک بوھگ ءِ واستہ اِدا ساڑی اِنت۔ آئی ءَ گوستگیں روچ ءَ ایگزیکٹو سیشنز ءَ چست ءُُ ایر کت ءُُ معیشت، سیکورٹی ءُُ مھکمیں دیمروئی ءِ بابت ءَ پاکستان ءِ لیکہ ءَ را جوانیں رنگ ءَ سہرا کت۔ پاکستان 53باسکی دولت ءِ مشترکہ ءِ جوڑیشتکاریں باسک آنی تہ ءَ یک اِت ءُُ گل ءِ تہ ءَ جوانیں ءُُ برجائیں کرد پیلو کنگ ءَ اِنت۔
