اسلام آباد۔ 23دسمبر (اے پی پی) پاکستان مسلم لیگ(ن) نا راہشون و مسکوہی بنجائی وزیر سینیٹر مشاہداللہ خان پارینے کہ قائد اعظم محمد علی جناح محسن پاکستان اس ئس، مسیحی برادری ئِ کرسمس نا وخت آ مبارکباد پیش کینہ، اِرا ارب نا کرپشن کروک آتیان مسہ ارب روپئی وصول کننگ نا دروشم اٹی پلی بارگین نا کانود درست مریک۔ جمعہ آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ قائداعظم محمد علی جناح محسن پاکستان ئس۔ او پاکستان ئِ جوڑ کرے و مسلمان تے ہم اسہ جتا ئُ پہچان اس تس ہرا تورو ئِ اوکرے مچ آ زند اودے است آن دننگ کپنہ۔ اوپارے کہ اگہ قائداعظم متوکہ تو نن بھارت نا بشخ مسنہ، قائد اعظم نا وژن نا رداٹ نن آجوچاگڑد اسے ٹی اُن۔ اسہ سوج اسے آ اوپارے کہ اسہ بندغ اس قومی خزانہ آن اِرا ارب روپئی نا کرپشن کیک واوڑآن مسہ ارب روپئی وصول کننگے تو دادروشم اٹ پلی بارگین نا کانود درست مریک۔ اسہ سوج اسے نا ورندی ٹی اوپارے کہ وزیراعظم آصف علی زرداری نا وطن آپدی بننگ نا وخت آ نیک است خواہی تا درشانی ئِ کرینے۔ اوپارے کہ پنجاب اٹی بلال خراب ئُ مہم اس چلیفے و اوٹی پیپلزپارٹی ئِ صرف اسہ نشست اس ملا۔ پیپلزپارٹی بھلو جماعت اس ئس ولے داسہ کم مرسا کننگ ئِ۔
