لندن ۔ 20اپریل (اے پی پی) مزن وزیر شاہد خاقان عباسی ءِ پنچ شمبے ءِ روچ ءَ ملکہ ءِ برطانیہ الزبتھ دوئم ءِ نیمگ ءَ دولت مشترکہ ءِ دیوان ءَ بھر زوریں ملک آنی سروک آنی شرپ ءَ بکنگھم پیلس ءَ داتگیں شپ ءِ شام ءَ بھر زوری کت۔ ملہ ءِ برطانیہ ءَ دولت ءِ مشترکہ ءَ شریکیں سروکیں مملکت آناں وش اتک کت۔ اے موہ ءِ سر ءَ مزن وزیر شاہد خاقان عباسی ءَ دولت ءِ مشترکہ ءَ شریکیں ملک آنی سروک آں گوں گند ءُُ نند کت۔ ایشی ءَ چہ پیسر مزن وزیر ءَ بکنگھم پیلس ءَ برجمیں داشتگیں 25بیست ءُُ پنچمی کامن ویلتھ ہیڈز آف گورنمنٹ میٹنگ 2018 (سی ایچ او جی ایم) ءِ بنگیجی مراگش ءَ بھر زوری کت۔
