مزن وزیر شاہد خاقان عباسی ءِ لندن ءَ دولت ءِ مشترکہ ءِ دیوان ءِ موہ ءَ جتا جتائیں میاں اوستمانی سروک آں گند ءُُ نند، گند ءُُ نند ءِ ساھت ءَ جتا جتائیں بُن گپ آنی سرءَ مول ءُُ مرادی گپ ءُُ تران کنگ بوت
مزن وزیر ءَ میاں اوستمانی سروک آں گند ءُُ نند ءِ ساھت ءَ معشیت ءِ شوبگ آنی تہ ءَ کوشست ءُُ کامیاتی ءَ ھوار سیکورٹی ءُُ مھکمیں دیمروئی ءِ بابت ءَ وتی لیکہ بیان کت، پاکستان ءِ معاشی دیمروئی ءُُ ایمنی ءِ جاور ھال آنی ھوالگ ءَ میاں اوستمانی سروک آناں سرپد کت
لندن ۔ 19 اپریل (اے پی پی) مزن وزیر شاہد خاقان عباسی ءَ لندن ءَ دولت مشترکہ ءِ دیوان ءِ موہ ءَ جتا جتائیں میاں اوستمانی سروک آں گوں گند ءُُ نند ِٗ ساھت ءَ جتا جتائیں بُن گپ آنی سرءَ مول ءُُ مرادی گپ ءُُ تران کت۔مزن وزیر ءَ میاں اوستمانی سروک آں گوں گند ءُُ نند ءِ ساھت ءَ معشیت ءِ شوبگ ءَ کوشست ءُُ کامیاتی آں ھوار سیکورٹی ءُُ مھکمیں دیمروئی ءِ ھوالاگ ءَ وتی لیکہ بیان کت وھدیکہ مزن وزیر ءَ پاکستان ءِ معاشی دیمروئی ءُُ ایمنی ءِ جاور ھال آنی ھوالگ ءَ ھم میاں اوستمانی سروک آناں سرپد کت ءُُ گوشت کہ جانیں ءُُ سیت مندیں تجارتی نظام، برجائی دیمروئی ءِ واستہ ضلوری انت۔ مزن وزیر ءَ تجارت ءُُ سرمایہ کاری ءَ ءَ را گہتر جوڑ کنگ ءِ رد ءَ رابطہ آناں ارزشت دیگ ءِ سرءَ چمشانک دیان ءَ سی پیک منصوبگ ءَ را پڑ ءَ رابطہ آنی تہ ءَ دیمروئی قومی ءُُ دمگی رنگ ءَ وشھالی ءِ واستہ یک ماڈل ’’نمونگ‘‘ ءِ رد ءَ بیان کت اَنت۔ مزن وزیر ءَ میاں اوستمانی تک ءَ رکھینگ ءِ جتا جتائیں دلگوشی ءِ سرءَ بیم آنی نیمگ ءَ درشان کنان ءَ جوانیں ءُُ مول ءُُ مرادی تجارتی نظام ءِ لوٹ کت۔ مزن وزیر ءَ ناشرکاری ءِ ھلاپ ءَ جنگ ءَ پاکستان ءِ بے دروریں کربانی آناں ساڑات ءُُ اے جزم ءِ درشان کت کہ اے رنگیں چیز آناں ھمک وڑ ءَ دیم پہ چیر کنگی اَنت۔ شاہد خاقان عباسی ءَ برجمیں دیمروئی ءُُ پاکستان ءِ کامیاتی آنی سر ءَ چمشانک دات۔ مزن وزیر ءَ مقبوضہ پڑ آنی تہ ءَ لس ءِ واستہ ھک آنی پُجاری ءِ بابت ءَ ھم زور پر دات ءُُ گوشت کہ بنیاتی ھک آنی پُجاری ءُُ گر ءُُ چیل آنی گیواری ءَ ابید ایمنیں چاگرد بوت نہ کنت۔ آئی ءَ زور پر دات کہ ایمنیں چاگرد ءِ جوڑیشت ءِ واستہ بنیاتی ھک ءُُ گر ءُُ چیل آنی گیواری الم ضلوری اِنت۔ مھکمیں باندات ءِ بُن گپ ءِ سر ءَ تران کنان ءَ مزن وزیر ءَ مھکمیں دیمروئی ءِ واستہ 2030ءِ ایجنڈھ ءِ پد ءُُ رند کنگ ءِ جزم ءِ درشان کت۔
