لندن ۔ 19 اپریل (اے پی پی) مزن وزیر شاہد خاقان عباسی ءَ گوں برطانوی آئل اینڈ گیس کمپنی رائل ڈچ شیل ءِ ڈل ءَ چیف ایگزیکٹو آفیسر بین وان بیڈن ءِ سروکی ءَ ادا لندن ءَ گند ءُُ نند کت۔ گند ءُُ نند ءَ کمپنی ءِ نیمگ ءَ گیش سرمایہ کاری ءِ بابت ءَ ھیال ریچی کنگ بوت۔ سی ای او ءَ پاکستان ءَ ھاٹیگ ءِ شوبگ ءَ دیمروئی ءُُ ھاسیں رنگ ءَ ایل این جی ءُُ ’’ قابل تجدید‘‘ ھاٹیگ ءِ شوبگ ءَ را ساڑات۔ چیف ایگزیکیو ٹو رائل ڈچ شیل ءَ مزن وزیر ء۔ را ایل این جی ءُُ پاکستان ءِ ’’ قابل تجدید‘‘ ھاٹیگ ءِ شوبگ ءَ دلگوشی کنگ ءِ درشان کنان ءَ ھاٹیگ ءِ شوبگ ءَ سرمایہ کاری ءِ بابت ءَ سرپد کت۔ مزن وزیر ءَ ملک ءَ ھاٹیگ ءِ شوبگ ءَ شیل ءِ کرد ءِ توسیپ کت ءُُ امیت سہرا کت کہ کمپنی ایل این چی ءُُ ’’ قابل تجدید‘‘ ھاٹیگ ءِ شوبگ ءَ ھوار ریفائنری ءَ سرمایہ کاری کنت۔ مزن وزیر ءِ ھاسیں کمکار علی جہانگیر صدیقی برطانیہ ءَ پاکستان ءِ ہائی کمشنر سید ابن عباس ءُُ ایندگر کارندہ ھم گند ءُُ نند ءِ موہ ءَ ساڑی اتنت۔
