اسلام آباد۔ 19 اپریل (اے پی پی) وزیر مملکت اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ پاک چین اقتصادی راہداری منصوبگ (سی پیک) آیوکیں باھند آنی واستہ یک گیم چینجز ءِ سہرا بیتت، سی پیک ءَ چہ سرجمیں پڑ ءِ معشیت مھکم بیت، پاکستان ءُُ چین دُگنیا ءِ سینٹرل پوائنٹ ءِ سر ءَ انت ھمے سبب اِنت کہ سرجمیں دُگنیا ءِ نگاہ سی پیک ءِ سر ءَ انت، ون روڈ ون بیلٹ ءَ دود ءُُ ربیدگ ءَ را ھاسیں ارزسشت دیگ بوتگ، استیں حکومت آں چین ءِ گوما دود ءُُ ربیدگی ڈل آنی روگ ءُُ آیگ ءَ را دیمروئی داتگ۔ آ پنچ شمبے ءِ روچ ءَ پی این سی اے ءَ چینی دود ءُُ ربیدگی مرکز ءِ سیمی سالروچ ءِ مراگش ء۔ گشتانک دیگ ءَ ات۔ چین ءِ سفیر یا جنگ، چینی سفارتخانہ ءِ کارندہ۔ ڈی جی پی این سی اے ھم اے موہ ءِ سر ءَ ساڑی اَت۔ وزیر ءِ مملکت مریم اورنگزیب ءَ گوشت کہ پاکستان چین ءِ دوستی ءَ را جتا جتائیں دور ءُُ باریگ ءَ جتا جتائیں نام دیگ بوتگ، سی پیک ءَ چہ دوستی یک نوکیں دورے ءِ تہ ءَ ھوار کپیت ۔ آئی ءَ گوشت کہ دود ءُُ ربیدگی مرکز ءَ کلچرل چست ءُُ ایر آنی ھواری ءَ نودربر آناں چینی زبان سِکھگ ءِ موہ رسیت۔ آئی ءَ گوشت کہ کلچرل سینٹر ءِ بابت ءَ چینی سفیر ءِ کوشست آنی منت وار آں۔
