اسلام آباد۔ 19 اپریل (اے پی پی) وزیر مملکت اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ تامُری پڑ ءِ برجائی ءِ واستہ اولی تامر ءُُ دود ءُُ ربیدگی پالیسی ءَ را فنانس بل 2018ءَ ھوار کنگ بیت، تامر ءُُ دود ءُُ ربیدگی پالیشی ءِ سر ءَ سرجمی ءَ کار کنان ءَ پڑ ءَ سینما ءَ بھارت ءِ کبزہ ءَ را ھلاس کنگ بیت کنت، تامری پڑ ءَ سرجمیں دیمروئی ءِ واستہ تامر جوڑ کنگ ءِ واستہ ساز ءُُ سامان آنی ڈن ءَ چہ آرگ ءِ سر ءَ 10سال ءَ تاں سیلز ٹیکس ءِ چُٹ، تامر فنانس فنڈ ءِ چیر دستی ءَ میاں اوستمانی تک ءِ رد ءَ تامر، سنیما گس جوڑ کنگ ءُُ سٹوڈیوز ءِ برجائی ءِ واستہ 5کروڑ ءَ تاں وام دیگ ءِ بندات، تام اکیڈمی ءِ برجائی، تامر ڈائریکٹوریٹ ءِ نوک سر گل ءِ جوڑ کنت، آرٹس اسسٹینس فنڈ،سینما ہاؤسز ءَ 350ءِ ٹکٹ ءِ گروکیں سینما آناں ٹیکس ءِ چُٹ دیگ ءَ ھوار دگہ بازیں آسراتی دیگ بیت، گوستگیں 35/30سال آنی ساھت ءَ ناشرکاری ءَ تامر ءِ شوبگ ءَ را آماچ کتگ، پیسریگیں مزن وزیر محمد نواز شریف ءِ ویژن ءِ چیر دستی ءَ صوبائی حکومت آنی کمک ، سلاھ بندیں اُرد، کانود ءَ را مھکم داروکیں ادارگ ءُُ الس ءِ بے مٹیں کربانی آنی بدولت ءَ مرچی پاکستان ءَ اینی ءُُ وشھالی انت۔ گیر ملکی آناں پاکستان ءَ 70 درسد تامر جوڑ کنگ ءُُ 30درسد وتی ملک ءَ جوڑ کنگ ءِ رنگ ءَ توامیں آسراتی ءُُ ٹیکسز آنی چُٹ ءَ چہ سیت در جنگ بیت۔ آ پنچ شمبے ءِ روچ ءَ قومی اسمبلی ءِ قائمہ کمیٹی ءِ اھوالکاری ءُُ شنگ کاری ءِ دیوان ءَ اولی تامری ءُُ دود ءُُ ربیدگی پالیشی ءِ ھوالگ ءَ بریفنگ دیگ ءَ اَت۔
