اسلام آباد۔ 23دسمبر (اے پی پی) وزارت ڈٹ بندی و شونداری اینخو مالی سال انا سرکاری بشخ انا شونداری پروگرام تیٹی بنجائی حکومت نا خصوصی پروگرام تے کن جم وڑاٹ داوخت اسکان 72ارب 11کروڑ روپئی نا فنڈ جاری کرینے۔ حکومت اینخو مالی سال انا شونداری ڈٹ آتیٹی بنجائی حکومت نا خصوصی پروگرام تے کن اسہ کھرب 99 ارب66کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت عارضی وڑاٹ بے اُرا مروک آ بندغ آتا بحالی کن 42ارب 56کروڑ، ایرا کن 2ارب 93کروڑ، پائیدار شونداری ہدف آتے کن 20 ارب، پرائم منسٹر یوتھ و ہنر مند پروگرام کن 7 ارب 94کروڑ روپئی نا فنڈ جاری کرینے۔
