مزن وزیر شاہد خاقان عباسی ءِ پرنس آف ویلز شہزادہ چارلس ءَ گوں کلیرنس ہاؤنس لندن ءَ گوں گند ءُُ نند

مز ن وزیر ءَ میاں اوستمانی تک ءَ ھیراتی ادارگ آنی واستہ برطانیہ ءِ شاھی ھاندان ءِ ازمت آناں ساڑات
لندن۔19 اپریل (اے پی پی) مزن وزیرشاہد خاقان عباسی ءَ پرنس آف ویلز شہزادہ چارلس ءَ گوں کلیرنس ہاؤنس لندن ءَ گند ءُُ نند کت۔گند ءُُ نند ءِ موہ ءَ مزن وزیر ءِ ھاسیں کمکار علی جہانگیر صدیقی ءُُ برطانیہ ءَ پاکستان ءِ ہائی کمشنر سید ابن عباس ھم مزن وزیر ءِ ھمبراہ اَت۔ مزن وزیر ءَ برطانیہ ءَ را کامن ویلتھ ہیڈز آف گورنمنٹ میٹنگ 2018ءِ (سی ایچ او جی ایم) ءِ کامیاتیں برجائی ءِ سر ءَ مبارکی دات۔ مزن وزیر ءَ گوشت کہ پاکستان دولت ءِ مشترکہ ءِ جوڑیشتکاریں ممبر بوھگ ءِ بستار ءَ دولت ءِ مشترکہ ءَ را ٹوھیں ارزشت ءِ دنت۔ آئی ءَ گوشت کہ پاکستان آیوکیں 2سال ءِ واستہ دولت ءِ مشترکہ ءِ برطانیہ ءِ سروکی رسگ ءَ را وش اتک کنت۔ مزن وزیر ءَ میاں اوستمانی تک ءَ ھیراتی ادارگ آنی واستہ برطانیہ ءِ شاہی ھاندان ءِ ازمت آناں ساڑات۔ آئی ءَ جان سلامتی ءُُ وانگ ءُُ زانگ ءِ شوبگ ءَ برطانیہ ءِ نیمگ ءَ پاکستان ءِ کمک ءِ ھم توسیپ کت۔ مزن وزیر شاہد خاقان عباسی ءَ شہزادہ چارلس ءَ را پاکستان ءِ تر ءُُ تاب کنگ ءِ دعوت دات۔ اے موہ ءِ سر ءَ پرنس ویلز شہزادہ چارلس ءَ پاکستان ءِ کامن ویلتھ ہیڈز آف گورنمنٹ میٹنگ 2018ءَ ٹوھیں تک ءِ شریکداری ءِ شگر ءُُ منت گپت۔ آئی ءَ دولت ءِ مشترکہ ءِ واستہ پاکستان ءِ گران بھائیں ازمت آناں ھم ساڑات۔ آئی ءَ اقتصادی ’’اصلاحات‘‘ ءُُ جوانیں حکمرانی رپک ءِ کوشست آناں دل یکیمی کنگ ءِ واستہ پاکستان ءِ سیاسی سروکی ءِ توسیپ کت۔