اسلام آباد۔ 19 اپریل (اے پی پی) سیکرٹری اھوالکاری ءُُ شنگ کاری سردار احمد نواز سکھیرا ءَ گوشت کہ بنیاری ھوم ورک کنگ ءَ آں، 4ماھ ءَ پی ٹی وی پارلیمنٹ چینل بندات کنگ بیت، پی ٹی وی ءَ لفٹ آپریٹر ءَ مزن تک ءِ ملازم پی ٹی وی ءِ واستہ اشتہار بیار انت گڈا 25درسد ملازم ءِ بیت اے سمری منظوری ءِ واستہ پی ٹی وی بورڈ آف ڈائریکٹرز ءَ روان دیگ بوتگ، پی ٹی وی ءَ ھما مردم بیت ھما کہ کار کن اَنت، بگیر چہ کا رءَ تنخوا نہ رسیت۔ آ پنچ شمبے ءِ روچ ءَ قومی اسمبلی ءِ قائمہ کمیٹی ءِ اھوالکاری ءُُ شنگ کاری ءُُ راجی مڈی ءِ دیوان ءَ جتا جتائیں کار آنی سرءَ بریفنگ دیان ات۔ دیوان ءِ سروکی چیئرمین کمیٹی محمد اسلم بودلہ ءَ کت۔ سیکرٹری اھوالکاری ءُُ شنگ کاری سردار احمد نواز سکھیرا ءَ کمیٹی ءَ را ھال دات کہ وزیر ءِ مملکت اھوالکاری ءُُ شنگ کاری مریم اورنگزیب ءِ ھاسیں دلگوشی ءِ سر ءَ پی ٹی وی پارلیمنٹ چینل ءِ برجائی ءِ واستہ وزارت ءِ اھوالکاری ءُُ شنگ کاری ترندی ءَ گوں کار کنگ ءَ انت، اے رد ءَ چیئرمین سینٹ ءُُ سپیکر قومی اسمبلی سیکرٹریٹ ءِ گوما دیوان بوتگ ایشی ءِ تہءَ جوانیں دیمروئی بوھگ ءَ اِنت، پی ٹی وی پارلیمنٹ چینل ءِ سر ءَ سینیٹ، قومی اسمبلی ءِ دیوان ءُُ قائمہ کمیٹی ءِ دیوان ءِ کاروائی ءِ کوریج ءَ یک شل ءَ بیت کنت۔
