اسلام آباد۔ 19 اپریل (اے پی پی)قومی سلامتی ءِ مشیر ناصر جنجوعہ ءَ گوشت کہ پاکستان مراکش ءِ گوما دو نیمگی یکوئی آناں سک باز ارزشت دنت۔ اے گپ آئی ءَ پاکستان ءَ مراکش ءِ سفیر محمد کرمو ءَ گوں گپ ءُُ تران کنان ء۔ گوشت آئی ءَ پنچ شمبے ءِ روچ ءَ ادا گند ءُُ نند کت۔ گند ءُُ نند ءِ ساھت ءَ دو نیمگی یکوئی آناں گیش دیمروئی ءِ بابت ءَ ھیال ریچی کنگ بوت۔ قومی سلامتی ءِ مشیر ءَ گوشت کہ مراگش راجدپتر ءِ ارزشت ءِ بستار کرزیں ملک اِت ءُُ پاکستان مراگش ءِ گوما یکوئی آناں سک باز ارزشت دنت۔ ناصر جنجوعہ ءَ براتیں ملک آنی بستار ءَ مراکش ء، توامیں شوبگگ آنی تہ ءَ کمک ءِ دل یکیمی دات۔ دوئیں پریک آنی توامیں شوبگ آنی تہ ءَ دو نیمگی کمک ءَ را گیش ودینگ ءِ جزم ءِ درشان کت۔ مراکش ءِ سفیر ءَ اے موہ ءِ سرءَ گوشت کہ پاکستان ءِ گوما مئے نزیکیں ءُُ کوھنیں یکوئی اَست اَنت۔ آئی ءَ گوشت کہ مراکش ءِ حکومت پاکستان ءِ گوما دیمپانی، دود ءُُ ربیدگ، معشیتءُُ تجارت ءَ ھوار ھواریں نپ ءُُ سیت ءِ شوبگ آنی تہ ءَ رابطہ برجم کنگ ءِ واھشت مند اَنت۔
