اسلام آباد۔ 23دسمبر (اے پی پی) عوامی نیشنل پارٹی نا راہشون سینیٹر ستارہ ایاز پارینے کہ اپوزیشن جمہوریت ئِ ڈی ریل کننگ نا حق اٹی اف، تحریک انصاف نا بیان تے ہچ گہس سنجیدگی اٹ ہلپک، کرسمس نا وخت آ ای مسیحی برادری ئِ مبارکبادی پیش کیوہ۔ جمعہ آ پارلیمنٹ ہاﺅس نا پیشن میڈیا تون ہیت وگپ کرسا اوسال 2017ءکن نیک است خواہی نا درشانیئِ کرے وپارے کہ اللہ کے کہ پوسکن آ سال امن نا سال مرے و ملک شونداری ہلے، نن بایدے ماضی آن سبخ اس ہلین، و ملکی شونداری کن اواری اٹ کاریم کین۔ اوپارے کہ مسکوہی صدر آصف علی زرداری نا وطن آ پدی بننگ آن سیاست آ ہچ ئُ پرخ اس تمپک۔ اپوزیشن جماعت آک بروک آ لس گچین کاری تا تیاری کننگ ئُ۔ حکومت و جمہوریت ئِ ڈی ریل کننگ ناحق اٹی اف۔ سینیٹر ستارہ ایاز پارے کہ پاکستان تحریک انصاف نا بیان تے ہچ گہس سنجیدگی اٹ ہلپک جوان ئِ کہ او خیبرپختونخوا نا الس نا زند انا آب ئِ بڑزکے و تینا حق نمائندگی ئِ ادا کے۔ اومسیحی برادری ئِ کرسمس نا مبارکبادی تسنے۔
