اسلام آباد۔ 23دسمبر (اے پی پی) اسلام آباد ہائی کورٹ ایم کیو ایم نا قائد ڈاکٹر عمران فاروق خون کیس اٹی دزگیر ہر مسٹ آدوبہ دار آتا خاہوت آتے جیل مینوئل نا رداٹ اوڑدہی کرفنگ نا حکم ترسا درخواست ئِ چٹفینے۔ جمعہ آ اسلام آبادہائی کورٹ نا جسٹس شوکت عزیز صدیقی عمران فاروق خون کیس انا دوبہ دارتا خاہوت آتا کنڈآن دائر درخواست نا سماعت ئِ کرے۔ درخواست گزارآتا وکیل آک موقف اختیار کریر کہ خاہوت و دوبہ دارآتا نیام اٹ شیشہ نا دیوال اس مریک، خاہوت فون آدوبہ دارآتون ہیت کیرہ مون پہ مون تولسا اوڑدہی نا حکم تننگے ہراڑآ جسٹس شوکت عزیز صدیقی ریمارکس تس کہ دااسہ ہائی پروفائل کیس اسے سیکورٹی خلیس آتا رداٹ اوڑدہی ٹی اختیاط کروئی مریک، عدالت جیل مینوئل نا رداٹ اوڑدہی کرفنگ نا حکم ترسا درخواست ئِ چٹفینے۔
