اسلام آباد۔18اپریل (اے پی پی) سینیٹءِ چیئرمین محمد صادق سنجرانی ءِ اقراء مزن شاہ دربرجاھءِ سند بھر کنگءِ مراگشءَ گوں تران کنانءَ گشتگ کہ ورناھ ملکءِ گران نیادیں ماڑی اَنت، ورناھ راج دپتر ءِ کجام ھم جاھءَ راجانی اُمیتاں ءُ واباں سرجم کنگءَ بنکی کرد پیلو کن اَنت۔ چیئرمین سینیٹ ءَ گشتگ کہ پاکستانءِ تہا ورناھ آنی شرح سک باز اِنت ءُ آھانی زانت کار ی ءُ سرپدی ءَ را جوانیں نیمگءَ کارمرز کنگءِ سک باز ضلورت اِت اے مول ءُ مرادءِ ھاترءَ مارا وانگءُ زانگءَ را گہتر کنگءِ سک باز ضلورت اِنت ءُ ھاس کجام ھم ملک ءِ دیمروئی ءِ تہا وانگءُ زانگ ھاسیں کرد پیلو کنت، وانگ ءُ زانگءَ را باز جوان کنگ لوٹ ایت۔ سینیٹ ءِ چیئرمین ءَ گشتگ کہ وانگءُ زانگ ریاستی سرپانکی ءَ ابید بوت نہ کنتءُ ورناھیں نسل ایشی ءَ ابید وت واک بوت نہ کنت ۔ آئیءَ ورناھ آنی سرءَ زور پِرداتگ کہ انچو کہ مزن گس آھانی ھمراھ داری ءَ کنت آ ھم جوانیں شہری جوڈ بوھگءِ ھاترءَ جہدءُ کوشست بہ کن اَنت۔ اے مولءُ مرادءِ ھاترءَ کوشستءُ محنت کنگ لوٹ ایت، آئی ءَ اے موھءِ سرءَ اقراء مزن شاہ دربرجاھ ءِ انتظامیہ ءَ را گوادر ءَ کیمپس جوڈ کنگءِ سوج داتگ وھدے کہ سوبمند بوتگیں نودرانی ھاترءَ نیکیں واھشت ءِ درشانی ھم کتگ۔ مراگشءِ تہا سینیٹر فدا محمد خان ھم چیئرمین سینیٹءِ ھمراھ بوتگ۔
