چیف آ ف آرمی سٹاف جنرل قمر جاوید باجوہ ءَ گوں ازبک سکیورٹی کونسل ءِ سیکرٹری ءِ سروکی ءَ ڈل ءَ گوں گندءُ نند، ناشرکاری ءِ ھلاپ ءِ جنگءَ دمگی مھکمی ءِ ھاترءَ پاک فوج ءِ کوشستءُ قربانی ساڑاتگ

راولپنڈی۔18اپریل (اے پی پی) چیف آف آرمی سٹاف جنرل قمر جاوید باجوہ ءَ گوں ازبکستان ءِ صدر ءِ سرپانکی ءَ کار کنوکیں سکیورٹی کونسل ءِ سیکرٹری لیفٹیننٹ جنرل محمدوف وکٹر ولادی میرووچ ءِ سروکی ءَ ازبکستان ءِ حکومتی ڈل ءَ چارشمبے ءِ روچءَ جی ایچ کیوءَ گندءُ نند کتگ۔ پاک فوج ءِ تعلقداری پڑ آئی ایس پی آر ءِ نیمگءَ چہ جاری بیانءِ ردءَ گندءُ نند ءِ تہا سلامتی ءِ جاورھال ءَ ھوار دونیمگی ھدوکی ءِ سرءِ ھیال ءُ لیکہ ءِ درشانی کنگ بوتگ۔ ڈل ءَ ناشرکاری ءِ ھلاپءَ جنگءُ دمگی مھکمی ءِ ھاترءَ پاک فوج ءِ کوشست ءُ قربانی من اِتگ اَنت ءُ ساڑاتگ اَنت۔ ازبکستان ءِ ڈل ءَ بیپاری ، رابطہ کاری، سلامتی ءُ فوج ءِ نیامءَ کمک ءَ ھوار دراھیں پڑآنی تہا دوھیں براتیں ملک ءِ نیامءَ سیادی ءُ کمک ءِ راستیءَ پاھدگ چست کنگءِ زور پِرداتگ۔ آرمی چیف جنرل قمر جاوید باجوہ ءَ ڈل ءِ جزبگءِ سرءَ آوانی شگرءُ منت گپتگ ءُ دمگی کمک ، امنءُ ایمنی ءُ مھکمی ءِ ھاترءَ دراھیں گامگیجانی تہا پاکستانءِ نیمگءَ چہ سرجمیں کمک ءُ ھمراھ داری ءِ اوست داتگ۔