اسلام آباد۔18اپریل (اے پی پی) وزارت انسانی حقوق ءَ وتی رپورٹءِ تہا ھال داتگ کہ جنوری 2011ءَ تاں 2017ءَ زالبولانی سرءَ لٹءُ کٹءِ ھوالگءَ 51241 کیس رجسٹر،لوگی لٹءُ کٹ ءِ 15461وئیل دیمءَ آتکگ۔ وزارت ءَ را صوبائی محکمہ پولیس ءَ چہ وصول بوتگیں سرکاری کچءُ کساس ءِ ردءَ زالبولانانی سرءَ لٹءُ کٹ ءِ 2011ءِ تہا 8418، 2012ءَ 8845، 2013ءَ 7573، 2014ءَ 7741، 2015ءءَ 6527، 2016ءَ 8013ءُ گوستگیں سالءِ تہا 4066 کیس دیم ءَ اَتکگ اَنت۔ سرکاری دستاویزات ءِ گشگءِ ردءَ وئیلانی تہا لوگی زالبولانی سرءَ لوگی لٹءُ کٹ ، گیرت ءِ نامءَ کشگ ، زندگءَ مان دارگ، بے شرپ کنگ ، کارءِ جاگہ ترسءُ بیم ءِ تہا کنگءَ ھوار دگہ جرم ھوار اَنت۔
