APP37-17 VIRGINIA: April 17 – Virginia Commonwealth University (VCU), Richmond hosts Pakistan Ambassador to US Aizaz Ahmad Chaudhry over a lunch with distinguished guests from State Department and Academia. APP

واشنگٹن۔17اپریل (اے پی پی) امریکہ ءَ پاکستانءِ سفیر اعزاز احمد چوہدری ءِ امریکہ ءِ ورجینیا کامن ویلتھ یونیورسٹیءَ مراگشءَ گوں تران کتگءُ دوھیں ملک آنی دونیمگی پاھدگ ءَ را گیش کنگءِ گامگیجاناں جاری دارگءِ ھوالگءَ سکین داتگ۔ آئیءَ گشتگ کہ پاکستان بانداتءَ امریکہ ءَ گوں دونیمگی سیادی ءَ را گیش کنگءِ ھوالگءَ گپ ءُ ترانءِ عملءَ را جاری داریت۔ ورجینیا کامن ویلتھ یونیورسٹی( وی سی یو) ءِ تہا ناری ءِ نانءَ ھوار بوھگءِ وھدءَ آئیءَ امریکی حکام ءَ ھوار امریکہ ءَ استیں پاکستانی کمیونٹی ءَ گوں نزیکی کنوکیں مردماں گوں گند ءُ نند کتگ۔ پاکستان ءُ امریکہ ءِ نیامءَ وانگءُ زانگ ، دودءُ ربیدگ ، دیمپانی ءُ سلامتی ءَ ھوار بازیں پڑانی تہا دونیمگی کمک ءُ سیادی ءِ تہا گہتری کنگءِ ضلورتءِ سرءَ زور پِرداتگءُ گشتگ کہ دوھیں ملک دونیمگی پاھدگ ءِ ھاترءَ گہتریں سیادی جوڈ کن اَنت ۔ وی سی یو ءِ تہا ، سفیر ءَ ہیمفریری فیلوشپ پروگرام ءِ باسکانی گوما یونیورسٹی ءِ تہااستیں پاکستانی نودربرانی گوما ھم گپءُ تران کتگ۔