پی ایس او ءَ را توان ءِ شوبگ ءَ کارمرد بوھگ ءِ ھاترا فرنس آئل ءِ ڈن ءَ دآمد کنگ ءِ اجازت دات
اسلام آباد ۔ 17 اپریل (اے پی پی) کابینہ ءِ اقتصادی رابطہ کمیٹی (ای سی سی) ءَ پاکستان سٹیٹ آئل ءَ را توان ءِ شوبگ ءَ کارمرد بوھگ ءِ ھاترا فرنس آئل ءِ درآمد کنگ ءِ اجازت دات تانکہ آیوکیں ماھ آنی تہ ءَ ھاٹیگ ءَ را جوانی ءَ امبار ءُُ مُچ کنگ بہ بیت۔ ای سی سی ءِ دیوان سئے شمبے ءَ مزن وزیر شاہد خاقان عباسی ءِ سروکی ءَ مزن وزیر کارگس ءَ برجم دارگ بوت۔ ای سی سی ءَ ماچھیکے۔تارو جبہ آئل پائپ لائن پراجیکٹ (427 کلومیٹر) ءِ واستہ ٹرانسپورٹیشن ٹیرف ءِ منظوری دات۔ اوگرا ءِ نیمگ ءَ کارھبند آنی سرءَ ضلوری کاروائی ءَ پد ٹیرف ءِ منگ بیت۔ اے منصوبگ سئے بھر آنی تہ ءَ سرجمی کنگ بیت ایش ایٹماسپئیر دوست ایں منصوبگ اِنت ایشی ءَ چہ ھاٹیگ ءَ را محفوظی ءَ شنگ ءُُ تالان کنگ بیت۔ اے منصوبگ ھاٹیگ ءِ گیشیں امبار پُجارین ایت ءُُ نیامی ءُُ گوریچانی پنجاپ ءُُ خیبر پختونخوا ءَ المی ایں شنگ ءُُ تالانی بُنجاھ آناں ھاٹیگ پُجارینت کنت۔ ای سی سی ءَ پنت ءُُ شون کت کہ آیوکیں باندات ءَ توامیں پائپ لائن منصوبگ آنی واستہ کابینہ منظوری ضلوری بیت۔ نیشنل گرڈ سسٹم ءِ وسیلگ ءَ توان ءِ برجائی ءُُ لائک ءِ دل یکیم ایں پُجاری ءُُ این ٹی ڈی سی نظام ءِ کار رپک ءَ را گیش ودینگ ءِ واستہ ای سی سی ءِ این ٹی ڈی سی منصوبگ آنی ھاترا ھندی بینک آں چہ 9846 ملین کلدار ءِ مالیاتی آسراتی ءِ واستہ حکومت پاکستان وت مستریں گارنٹی ءِ بنگیج ءِ ھم منظوری دات۔
