اسلام آباد۔ 23دسمبر (اے پی پی) بنجائی وزیر واپار خرم دستگیر پارینے کہ 2017 ءٹی پاکستان و ایران نا نیام اٹ آزادانہ واپار نا معاہدہ طے مریک۔ اِرا دے ئی دورہ ایران آن مست ریڈیو پاکستان ئِ خصوصی انٹرویو ٹی اومیت نا درشانی ئِ کرسااوپارے کہ بروک آ سال ایران و پاکستان نا نیام اٹ آزادانہ واپار نا معاہدہ طے مریک ہراڑآن ہڑتوم آ ملک آتا نیام اٹ واپار ئِ مون آ دننگک۔ اوپارے کہ اینخو نا سال انا بناءٹی ایران نا صدر حسن روحانی نا دورہ پاکستان نا وخت آ دا معاہدہ نا بابت ہیت وگپ نا بناءکننگاسس۔ خرم دستگیر خان پارے کہ اونا دورہ ایران نا وخت دا معاہدہ نا کسر اٹی بروک آ غٹ اڑاند آتے مر کننگ و گوادر کن ایران آن بجلی نا دوئی آ ہیت و گپ کننگ اٹی کمک رسینگک۔
